गोरखा । आज बिहानैदेखी गोरखाका अधिकाशं भागमा बिद्युत अबरुद्व भएको छ । शनिबार बिहानैदेखी आँबुखैरेनीदेखी गोरखा सदरमुकाममा रहेको प्रशारणलाइमा मर्मत गर्न भन्दै बिद्युत आपूर्ति बन्द गरेको हो ।
आँबुखैरेनीदेखी गोरखासम्मको प्रशारण लाइनको ३३ केभि वरपरका रुख तथा हाँगाबिगा काट्ने काम भइरहेकोले आपूर्ति बन्द गरिएको नेपाल बिद्युत प्राधिकरण, गोरखा वितरण केन्द्रले जनाएको हो ।
केन्द्रले हिजै सूचना जारी गरेर मर्मतको काम गनुपर्ने भएकोले शनिबार बिहान ७ बजेदेखी साँझ ५ बजेसम्म आपूर्तिमा समस्या आउने जानकारी समेत गराएको थियो ।
बिद्युत आपूर्ति नहुदा गोरखा नगरपालिका, भिमसेन थापा गाउँपालिका र शहिद लखन गाउँपालिकाको सबै भाग, पालुङ्गटार नगरपालिकाको खोप्लाङ्ग र मिरकोट, सिरानचोकको गाँखु र बारपाक सुलिकोट गाउँपालिकाको पान्द्रुङ्ग, पाँचखुवा देउराली, ताकुकोट र ताकुमाँझ लाकुरीबोट लगायतको क्षेत्रमा बिद्युत आपूर्ति बन्द भएको छ ।
मर्मतकालागि गोरखा सव–स्टेशनबाट जाने नयाँबजार, छेवेटार, बुंकोट र महेन्द्र ज्योति फिडर पुरै अबरुद्व भएको छ ।