गोरखा । हिजो राजधानीको गोगंबुबाट पक्राउ परेका विनोद कुमार श्रेष्ठको साथबाट करिब १० किलो सुन बरामद भएको छ ।
भाद्र १७ गते मंगलबार बिशेष सुराकीको आधारमा काठमाडौं उपत्यका प्रहरी कार्यालय रानीपोखरी तथा जिल्ला प्रहरी परिसर काठमाडौं को संयुक्त टोलीले उनको घरबाट ९ किलो ८३९ ग्राम सुन मात्रै बरामद गरेको हाे ।
काठमाण्डौ कामनपा–२६ स्थित गोगंबु स्थित श्रेष्ठको घरमा अवैध रुपमा उक्त परिमाण सुन बाहेक पनि नगद ४ करोड २५ लाख ५० हजार बरामद भएको उपत्यका प्रहरी कार्यालय रानीपोखरीले जानकारी दिएको छ ।
संयुत्त प्रहरी टोलीले उनको घरबाट ३ केजी २१८ ग्राम चाँदी समेत बरामद गरेको छ । ७६ बर्षिय श्रेष्ठ गोरखा नगरपालिका–६ को पुरानो बसपार्क निवासी हुन् ।
बरामद सुन, चाँदी र पैसा एवं श्रेष्ठलाई आवश्यक अनुसन्धानकालागि जिल्ला प्रहरी परिसर काठमाडौं पठाइएको छ ।