गोरखा । गोरखाका स्यालीमा आज दिउसो भएको दुर्घटनामा परी १ जना गंभिर घाईते भएको छ ।
घाईते हुनेमा गोरखा नगरपालिका–१२ स्याली बजारका बर्ष ४३ का रमेश संग्रौला गंभिर घाईते भएको गोरखा प्रहरीले जनाएको छ ।
प्रहरीका अनुसार दिउसो १२ः५० बजे भएको उक्त घटनामा आँबुखैरेनीबाट गोरखा बजार तर्फ आउदै गरेको बा.प्र.०१–००६ ख ५३४१ नम्बरको बस र ग. २६ प १७२२ नम्बरको मोटरसाईकल एक आपसमा ठक्कर खाएको हो ।
घटना लगत्तै घाईते संग्रौलालाई तनहुँको आँबुखैरेनी अस्पतालमा लगिएको र थप उपचारको लागि राजधानीको बि एण्ड बी अस्पताल लगिएको छ ।
घाईते संग्रौलाको बायाँ खुट्टामा गंभिर चोट देखिएपछी उनलाई थप उपचारकोलागि राजधानी लगिएको हो ।