गोरखा । गोरखाको तर्फको त्रिशुली नदीमा आज १ जना महिलाको शव फेला परेको छ ।
शव नुवाकोट जिल्ला, बिदुर नगरपालिका–८ खुर्सानी खोला बस्ने वर्ष ५१ की उमादेबि भट्टको भएको पुष्टी भएको प्रहरी चौकि घ्यालचोकले जनाएको छ ।
उनको शव मंगलबार बिहान १०ः१० बजे गण्डकी गाउँपालिका–८ को वर्खेघाट स्थित त्रिशुलि नदि किनारमा देखिए लगत्तै स्थानियले प्रहरीलाई खबर गरेका थिए ।
घटना लगत्तै चौकीबाट प्रहरी हवाल्दार हुसमान थापाको कमाण्डमा ३ जना र जिल्ला प्रहरी कार्यालय गोरखाबाट प्रहरी निरिक्षक ध्रुव प्रसाद शर्माको कमाण्डमा ५ जनाको टोली घटना स्थल पुगेर आवश्यक अनुसन्धान सुरु गरेको गोरखा प्रहरीले जनाएको छ ।
शवको कानूनी प्रकृया पुरा गरी आफन्तलाई बुझाएको पनि गोरखा प्रहरीले जानकारी दिएको छ ।