गोरखा । गोरखाकाे बारपाकमा खोलाले बगाएर १ जना पुरुषको ज्यान गएकाे छ ।
ज्यान गुमाउने ब्यत्ती बारपाक सुलिकोट गाउँपालिका–१ बारपाकका ६० वर्षीयअर्जुन घले भएकाे जिल्ला प्रहरी कार्यालय गोरखाका प्रहरी नायव उपरीक्षक (डिएसपी) एवं सूचना अधिकारी इन्द्रप्रसाद सुवेदीले जानकारी दिए ।
शुक्रबार अपरान्ह्र ४ः३० बजे किस्वारा खोलाले बगाएकाे भेडालाई उद्धार गर्न गएका घलेलाई साेही खाेलाले बगाएकाे हाे ।
भेडी गोठबाट भेडा सारेर बारपाकतर्फ ल्याउदै गर्दा किस्वारा खोलाको अस्थायी काठको पुल पार गर्ने क्रममा १ वटा भेडा खोलामा खसेपछि उद्दारगर्न खोज्दा घलेलाई पनि खोलाले बगाएको सूचना अधिकारी सुवेदीले बताए ।
खोलाले बगाएर बेपत्ताघलेको खोजी गर्ने क्रममा राती ८ बजे झण्डै ३० फिट मुनि खोचमा मृत्त शव भेटिएको थियाे ।
घटनाको जानकारी पाएलगत्तै प्रहरी चौकी बारपाक र इलाका प्रहरी कार्यालय जैवारीबाट खटिएको प्रहरी सहित स्थानीयबासीहरु सहयाेगमा घले शव निकालिएकाे थियाे ।
घटनाको थप अनुसन्धान अघि बढाइएको प्रहरीले जनाएको छ ।