कैलाली । गोदावरी नगरपालिका–९ भल्कास्थित खुटिया खोलामा पौडी खेल्ने क्रममा बेपत्ता भएका ४ जनाको शव फेला परेको छ ।
भाद्र १२ गते बिहीबार दिउँसो पौडी खेल्ने क्रममा सोही जिल्लाको धनगढी उपमहानगरपालिका–५ तारानगर बस्ने १७ बर्षका सक्षम जोशी, हसनपुर बर्ष १७ का प्रतिक चौधरी, सोही उपमहानगरपालिका–४ उत्तरबेहडी बस्ने बर्ष १७ का जाबेज भण्डारी र १५ बर्षका जेब भण्डारी बेपत्ता भएका थिए ।
घटना लगत्तै सशस्त्र प्रहरी बल, नेपाल नं. ७ बैद्यनाथ बाहिनी मुख्यालय कैलालीबाट ५ जना गोताखोर, नं. ४३ रिजर्भ गण वनबेहडा कैलालीबाट विपद् व्यवस्थापन तथा नेपाल प्रहरीको संयुक्त टोली खोजतलासको लागि परिचालन भएको थियो ।
चारै जनाकाे शव हिजै गाेताखाेर टाेलीले फेला पारी निकालेकाे सशस्त्र प्रहरी बल नेपालका सशस्त्र प्रहरी नायब उपरिक्षक एवं सह-प्रवक्ता शैलेन्द्र थापाले जानकारी दिए ।