डडेल्धुरा । डडेल्धुरामा भएको जिप दुर्घटनामा परी थप १ जनाकाे ज्यान गएसंगै ज्यान गमाउनेको संख्या ५ जना पुगेको छ । बिहीबार बिहान नवदुर्गा गाउँपालिका–५ स्थित चौडमा भएको दुर्घटनामा ४ जनाको घटनास्थलमै ज्यान गएको थियो ।
दुर्घटनामा घाइते भएका ४२ वर्षका गणेशबहादुर साउदको बिहीबार राति धनगढीको मायामेट्रो अस्पतालमा उपचारको क्रममा ज्यान गएकाे डडेल्धुरा प्रहरीले जनाएको छ ।
घाइते भएका अन्य ३ जनाको माया मेट्रो अस्पतालमा उपचार भइरहेको छ । यस्तै जिप चालक ३५ वर्षका रामबहादुर साउदलाई थप उपचारका लागि भारतमा लगिएको छ । साेही दुर्घटनामा घाइते ७ वर्षकी सुस्मिता पार्की डडेल्धुरा अस्पतालबाट डिस्चार्ज भएकी छिन् ।
दुर्घटनामा परेर घटनास्थलमै ज्यान गुमाउनेहरूमा नवदुर्गा गाउँपालिका–५ का १८ वर्षीय सुरेश साउद, २३ वर्षीय सुरेश पार्की, ४० वर्षीया तारा अवस्थी र ७२ वर्षीया कलावती साउँद रहेका छन् ।
ठाँटाबजारबाट जिल्ला सदरमुकामतर्फ आउँदै गरेको उग्रतारा यातायातको से १ ज ७३८ नम्बरको जिप भित्री कच्ची सडक खण्डबाट करिब २५० मिटर तल खसेको थियो ।