काठमाडाैं । उच्च अदालत पाटनले मधेश प्रदेश सरकारका पूर्वप्रदेश प्रमुख राजेश झा अहिराजलाई पुर्पक्षका लागि थुनामा पठाउने जिल्ला अदालत काठमाडाैंको आदेश सदर गरेको छ ।

मुख्यन्यायाधीश लालबहादुर कुँवर र न्यायाधीश खडानन्द तिवारीको हिजोको इजलासले थुनामा पठाउने जिल्लाकै आदेशलाई सदर गरेको उच्च अदालत पाटनका रजिस्ट्रार श्रीलाल पौडेलले जानकारी दिए ।

झाविरुद्ध १ जना महिलाले २०८१ सालको जेठ ४ गते आफ्नै डेरामा बलात्कार गरेको आरोपमा परेको मुद्दामा जिल्ला अदालत काठमाडाैंले पुर्पक्षका लागि थुनामा पठाउने आदेश दिएको थियो । अदालतको आदेशसँगै झालाई पुर्पक्षका लागि डिल्लीबजार कारागारमा राखिएको छ ।

जिल्ला अदालत काठमाडाैंको आदेशविरुद्ध झाले उच्च अदालत पाटनमा निवेदन दिएका थिए । त्यही निवेदनमाथिको सुनुवाइपछि जिल्लाकै आदेश सदर भएको हो ।

लेखकबाट थप:

• महिनाकाे अन्तिम दिनमा सुन चाँदिकाे मूल्य बढ्याे
• आज गाेरखा सहित २२ जिल्लामा आकस्मिक बाढीको जोखिम
• पहिरो र बाढीका कारण देशभरका कुन कुन सडक अवरुद्ध छन् ?
• नेपाल राष्ट्र बैङ्कले बुधबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : कोशी, बागमती र गण्डकीका केही स्थानमा भारी वर्षाको सम्भावना