डडेल्धुरा । डडेल्धुराको नवदुर्गा गाउँपालिका–५ को चौडमा बिहीबार बिहान भएको जिप दुर्घटनामा घटनास्थलमै ज्यान गुमाएका ४ जनाको सनाखत भएको छ ।
ज्यान गुमाउनेमा नवदुर्गा–५ का १८ वर्षीय सुरेश साउद, २३ वर्षीय सुरेश पार्की, ४० वर्षीया तारा अवस्थी र ७२ वर्षीया कलावती साउद भएको जिल्ला प्रहरी कार्यालय डडेल्धुराले जनाएको छ ।
उग्रतारा यातायातको से १ ज ७३८ नम्बरको जिप दुर्घटनामा परेर उनीहरुको घटनास्थलमै ज्यान गएको थियाे । मृतकको शव परीक्षणका लागि डडेल्धुरा अस्पताल पठाइएको छ ।
डीएसपी जोराका अनुसार दुर्घटनामा अन्य चार जना घाइते भएका छन् । घाइते हुनेमा नवदुर्गा–५ बस्ने १८ वर्षीया सुशिला विक, चार वर्षीया बालिका प्रतिका पार्की, ४८ वर्षीय चन्द्रबहादुर साउद र जिप चालक ३५ वर्षीय रामबहादुर साउद छन् । उनीहरुमध्ये सुशिला विक र जिप चालक रामबहादुर साउदको अवस्था गम्भीर छ ।
उनीहरुलाई उपचारका लागि डडेल्धुरा अस्पताल पठाइएको छ ।