एजेन्सी । अमेरिकाको मिनियापोलिसमा एक क्याथोलिक चर्च र विद्यालयमा भएको अन्धाधुन्द गोली प्रहारबाट २ बालबालिकाको ज्यान गएको छ भने १७ जना घाइते भएका छन् ।
मारिनेमध्ये ८ र १० वर्षको बालकहरु रहेका छन् । घाइतेमध्ये १४ जना बालबालिका रहेका र उनीहरू सबैको अवस्था सामान्य रहेको बीबीसीले जनाएको छ । यो घटना स्थानीय समयानुसार हिजो बिहान करिब ८ बजेको हो ।
आक्रमणकारी २३ वर्षीय रोबिन वेस्टम्यानले चर्चको झ्याल हुँदै भित्र रहेका विद्यार्थी र भक्तजनमाथि अन्धाधुन्ध गोली प्रहार गरेका थिए । प्रहरीका अनुसार वेस्टम्यानले आफ्नै टाउकोमा गोली हानेर आत्महत्या गरेका थिए ।