गोरखा । पालुङटार नगरपालिका–७ च्याङलीमा आज पोखरीमा डुबेर १ जना पुरुषको ज्यान गएको छ ।
ज्यान गुमाउने ब्यक्ती च्याङलीको कटहरे पाटा बस्ने ५४ बर्षका काली बहादुर बराम भएको जिल्ला प्रहरी कार्यालय गोरखाका प्रहरी नायब उपरिक्षक (डिएसपी) एवं सूचना अधिकारी ईन्द्र प्रसाद सुवेदीले जानकारी दिए ।
उनका अनुसार मंगलबार दिउसो १ बजेको समयमा खत्रीटाँरको पिप्लेखोसीमा सिंचाईकोलागि निर्माण गरिएको बाँधमा बनेको पोखरीमा डुबेर ज्यान गएको हो ।
बराम सोही बाटो भएर अनेत्र जाने क्रममा बाटोबाट चिप्लिएर पोखरीमा डुवेका थिए । स्थानियले दिएको जानकारी अनुसार तत्कालै ईलाका प्रहरी कार्यालय ठाँटीपोखरीबाट खटिएको प्रहरीको टोली घटना स्थल पुग्दा बरामको ज्यान गइसकेको पनि सूचना अधिकारी सुवेदीले बताए ।
प्रहरीले घटनास्थलबाट कानून बमोजिमको प्रकृती मुचुल्का तयार पारी शव पोष्टमार्टमकालागि प्रदेश अस्पताल गोरखामा ल्याएर पोष्टमार्टम पछी शव आफन्तको जिल्ला लगाएको गोरखा प्रहरीले जानकारी दिएको छ ।