प्रतिकात्मक तस्बिर
आँबुखैरेनी । इलका प्रहरी कार्यालय आँबुखैरेनीले नियन्त्रित लागूऔषध सहित ३ जनालाई पक्राउ गरेको छ । आँबुखैरेनी गाउँपालिका-४ बेनिटारस्थित सडकबाट नियन्त्रित लागूऔषध सहित ३ जनालाइ पक्राउ गरेकाे हाे ।
अस्थायी प्रहरी पोष्ट मुग्लिङ पुलजिपमा खटिएको प्रहरीले काठमाडौंबाट पोखरातर्फ जाँदै गरेको ग.२ ख१८५७ र ग.१ ख ८५४९ नम्बरको बसमा चेक जाँच गर्ने क्रममा उनीहरुलाइ पक्राउ गरेकाे जनाएकाे छ ।
पक्राउ पर्नेमा व्यास नगरपालिका-१० बस्ने २० वर्षीय सुरेश परियार र सोही नगरपालिका-११ बस्ने २० वर्षीय विशाल तामाङ र नवलपरासी बर्दघाट नगरपालिका-४ बस्ने २८ वर्षीय कुल बहादुर थापा मगरलाई प्रहरीले लागुओैषध सहित पक्राउ गरेकाे जानकारी दिएकाे छ ।
उनकाे साथबाट प्रहरीले ट्रमानिल ३४० ट्याब्लेट, नाइट्राभेट ३० ट्याब्लेट र स्पास्मो प्रोक्सिभोन ५५ क्याप्सुल फेला पारीएकाे इलाका प्रहरी कार्यालय आँबुखैरेनीले जनाएकाे छ ।
पक्राउ परेका तिनै जनाका सम्बन्धमा आवश्यक अनुसन्धान भइरहेकाे प्रहरीले जनाएकाे छ ।
