गोरखा । केही बर्ष यता मानिसहरु खुशी भन्दा पनि दुखी धेरै देखिने क्रम अत्याधिक छ । पछिल्लो समय मानिसहरु सामाजिक सञ्जालका साथै अनावश्यक कुरामा समय बिताउदा खुशी हुन छाडेर दुखी हुने गरेका छन् ।
हामी तपाईहरुको लागि खुशी हुने केही उपायहरु दिने छौ । तपाई पनि अपनाउनुस अरुलाई पनि अपनाउन सल्लाह दिनुहोस । आउनुहोस खुशी हुने धेरै उपाय मध्ये हामी तपाईहरु माझ ६ वटा उपायहरु बताउछौ ।
फेसबुकबाट मुक्तहुनुहोस ः फेसबुकमा रहने मानिस पनि डिप्रेसनको रोगी हुने गरेको हामीले तथ्य फेला पारेका छौ । अहिले सामाजिक सञ्जाल फेसबुक खुसी र सन्तुष्टि भन्दा पनि दुखी र असन्तुष्टिले भरिएका छन् । यसबाट बहिर्गमन भएमा निराशबाट मुक्ति पाउन सकिने युनिर्भसिटी अफ मिचिगनले पुष्टी गरेको छ ।
गुलावको सुगन्ध लिने बानी गर्नु ः दैनिक गुलावको फूलको सुगन्ध लिँदा तपाईँमा सकरात्मक सोच र ऊर्जा तरंगित हुने गर्छ । एक सातासम्म गुलावको ताजा फुल टिप्नेहरु निकै ऊर्जाशिल र चिन्तामुक्त भएको हावर्डको एक रिसर्चले देखाएको छ ।
भिटामिन डी लिने गर्नु ः भिटामिन डीयुक्त खानेकुराको नियमित सेवनले तनाबबाट छुटकारा मिल्छ । सन् २०१२ मा १ हजार २०० भन्दा बढी मानिसहरुमा गरिएको एक अध्ययनमा भिटामिन डीको मात्रा कम हुनेमा डिप्रेसनको बढी खतरा देखिएको खुलासा भएको थियो ।
खर्च ः सन् २०१४ मा गरिएको एक अध्ययनमा जीवनभरसम्म स्मरण हुने सातामा एक पटक गरिने यात्राले भौतिक सुःखका लागि सामग्री किनमेल गर्दा हुने खुसीलाई बिर्साइदिने सान फ्रान्सिस्को स्टेट युनिर्भसिटीका अनुसन्धानकर्ताहरुले देखाएका छन् ।
नियमित ध्यान गर्ने ः दैनिक १ घन्टासम्म ध्यान गर्ने मानिस चिन्ता र निराशाबाट मुक्त हुने जोन्स हप्किन्सको अनुसन्धानले पुष्टी गरेको छ ।
नियमित काम ः २० वर्षदेखि ४० वर्षको उमेरमा सातामा ३ पटकसम्म पसिना आउने गरी काम गरेमा पनि १६ प्रतिशतसम्म डिप्रेसनको मात्रा घट्ने जेएएमए साइक्याट्रियाले गरेको अध्ययनले खुलासा गरेको छ ।
