गोरखा । गोरखा घर भएकी १ जना महिलालाई प्रहरीले अबैध लागू औषध सहित संघिय राजधानीबाट पक्राउ गरेको छ । पक्राउ पर्नेमा बारपाक सुलिकोट गाउँपालिका गाउँपालिका ९ घर भएकी २९ बर्षकी सुस्मा थापा भएको प्रहरीले पुष्टी गरेको हो ।
काठमाण्डौ महानगरपालिकाको सामखुशीमा फार्मेसी सञ्चालन गरेर बस्दै आएकी सुश्माले नेपालमा नियन्त्रित तथा प्रतिबन्धित गरिएका औषधी कारोवार गरिरहेको भन्ने विशेष सूचनाको आधारमा काठमाण्डौ उपत्यका अपराध अनुसन्धान कार्यालयले अबैध लागू औषध सहित पक्राउ गरेको हो ।
प्रहरीले उनकाे फार्मेशीबाट उनको फार्मेसीबाट प्रहरीले Tramadol Hydrocloride ८ सय १० ट्याब्लेट, Dicyciomine Hydrochloride ९ सय ८० ट्याब्लेट, Dextromethoraphan Hydrochloride २ सय ६५ ट्याब्लेट, Stagan ५ सय ३१ ट्याब्लेट, Gabix-75 pregablin १ सय ४२ ट्याब्लेट, Zenegra २४ ट्याब्लेट, Chorpheniramine Sinex ८० ट्याब्लेट, एल्मास्क १ सय ६५ ट्याब्लेट, Alcal २ सय ७० ट्याब्लेट, प्रेग्नेन्सी टेस्ट किट ४० पिस, एन्थेल्जा ४० पिस, मास्क २३ बन्डल, Stayfree ४० बन्डल, डाईपर २ बन्डल, Bustop ३ बोतल, Detuss २ बोतल, Dj-citral १ बोतल, CTZ ४ बोतल, NS सोडियम १ बोतल, Flexon २ बोतल, Multiplex ६ बोतल, Supramox ४ बोतल, Argel १० वोतल, Rhinex २ बोतल, Sinex ८० पिस, सन्चो १० पिस, गुल्कोज सानो ४ पिस र डिटोल १ बट्टा बरामद गरेको छ ।
थापाले सामाखुशीमा निरुपा फार्मेसी सञ्चालन गर्दै आएको अपराध अनुसन्धान कार्यालयले जनाएको छ । पक्राउ परेकी थापालाई थप अनसुन्धानका लागि औषधी व्यवस्था बिभाग बिजुली बजार पठाइएको प्रहरीले जनाएको छ ।
