गोरखा । अखिल नेपाल महिला (अनेम)संघ क्रान्तिकारी गोरखाले तिज पर्वको अवसरमा शुभकामना आदानप्रदान कार्यक्रम गरेको छ । संघले सदरमुकाममा रहेको माओवादी पार्टी कार्यालयमा कार्यक्रमको आयोजना गरी शुभकामना आदान प्रदान गरेको हो ।
कार्यक्रममा नेपाल कम्युनिष्ट पार्टी माओबादी केन्द्रका केन्द्रीय सदस्य सुशिला सिंखडाले तिज पर्व नेपाली समुदायमा महिला माथि हुने गरेको बिभेद र बिसंगतीका सवाललाई गीतको माध्यम मार्फत दुःख पोख्ने पर्व भएपनि पछिल्लो समय यो बिृकत बन्दै गएको बताए । उनले तिज पर्वले परम्परा, संस्कृति र मौलिकता जोगाउने भन्दापनि बिस्तारै भड्किलो बन्दै गएकोमा चिन्ता ब्यक्त गर्दै त्यसलाई रोक्नु पर्नेमा जोड दिईन ।
केन्द्रीय सदस्य सिंखडाले तिज पर्वलाई अब परिवर्तन गर्ने अबसरको रुपमा समेत लिनुपर्ने धारणा राख्दै समाजमा रहेका सवै खालका बिभेदलाई उजागर गर्नका लागी पर्व सार्थक बन्नुपर्ने बताए ।
कार्यक्रममा माओबादी केन्द्रकी केन्द्रीय सदस्य कमला नहर्कीले तिज पर्वमा मौलिकता झल्किनु पर्ने बताईन । उनले नेपाली महिलाहरुको महानपर्वे तिजले महिलाहरुको समस्यलाई उठाउनु पर्ने धारणा ब्यक्त गरिन ।
शुभकामना आदान प्रदान कार्यक्रम संघमा आबद्ध सयौं महिलाहरुको सहभागिता रहेको थियो ।
