गोरखा । गोरखा सदरमुकाममा आजदेखी सुरु भएको नेपाल जेसीजको क्षेत्र ‘ख’ सम्मेलनको एक कार्यक्रम बिच नेपाल कम्यूनिष्ट पार्टीका केन्द्रिय अध्यक्ष पुष्पकमल दाहाल ‘प्रचण्ड’ उदघाटन गरेका छन् । अध्यक्ष दाहालले पानसमा बत्ती बालेर कार्यक्रमको उदघाटन गरेका हुने ।
राजधानीबाट हेली मार्फत गोरखा सदरमुकाम आएका अध्यक्ष दाहालले कार्यक्रम उदघाटन गर्दै ‘जेसीजले युवा नेतृत्व विकासमा खेलेको भूमिका असाधाराण’ रहेको भन्दै उनले ‘जेसीजको भुमिका सामाजिक रुपान्तरणमा, अनुसासित नेतृत्व प्रणाली निर्माण गर्नमा र देशको आर्थिक बिकास, समृद्वी र राजनैतिक स्थायित्व निर्माणमा पनि महत्व पूर्ण रोल रहेको’ बताए ।
राजधानीमा भएको पार्टीको स्थायी कमिटी बैठक, कर्मचारीहरुको राष्ट्रिय सम्मेलन र योंङ कम्युनिष्ट लिगको राष्ट्रिय भेला सकेर जेसीजको कार्यक्रममा उदघाटन गर्न आई पुगेका अध्यक्ष दाहालले जेसीजका सहभागी पदाधिकारीहरुलाई हौसला दिदै ‘जेसीजको कार्यक्रम भने पछि अरु कार्यक्रम छाडेर भए पनि जाऊ जाऊ लाग्ने भएको छ’ भन्दा कार्यक्रम स्थल तालीले गुन्जिएको थियो ।
क्षेत्र ‘ख’ अन्तरर्गतको ३९ शाखा र ४ जुनियर शाखा गरी ४३ शाखाका पदाधिकारी तथा नेपाल जेसीज क्षेत्र ‘क’, ‘ग’ तथा ‘घ’ का पदाधिकारीहरु समेत सहभागी भएको कार्यक्रमलाई संबोधन गर्दै अध्यक्ष दाहालले ‘तपाईहरुले आ–आफ्नो ठाउँबाट युवा नेतृत्व बिकासमा पनि, सामाजिक रुपान्तरणको अभियानमा पनि र अनुसासित समाज निर्माणको अभियानमा पनि सकारात्मक पहल र योगदान गदैृ आएको’ भन्दै प्रसंशा गरेका थिए ।
अध्यक्ष दाहालले ‘राजनैतिक रुपले तथष्ठ, निश्पक्ष रहेकोे जेसीज अन्तराष्ट्रिय रुपमा पनि ठुलो संस्था’ भएको भन्दै उनले ‘तपाईहरुको सक्रियता र पहलले अन्तराष्ट्रिय स्तरमै पनि सम्वन्ध सुधारमा जेसीजको भूमिका महत्वपूर्ण हुने गरेको र देशभरीको नेटकर्व मार्फत जनताको बिचमा राम्रो संबन्ध निर्माणमा पनि जेसीजको भूमिका महत्व पूर्ण छ’ भने ।
प्रमुख अतिथी दाहाललाई मायाँकाे चिनाे प्रदान गर्दै आयाेजक
नेपाल जेसीजको आयोजना तथा गोरखा जेसीजको आतिथ्यतामा भएको सम्मेलन शनिबार सम्पन्न हुने छ । यस बिच सहभागी जेसीजहरुलाई नेतृत्व बिकास सहितका भिन्न ३ वटा तालिम प्रदान गरिने छ भने गोरखा जिल्लाको ऐतिहासिक, पुरातात्वीक र धार्मिक संपदाहरुको बारेमा श्रब्यदृष्य तथा नजिकका धार्मिक तथा पर्यटकीय स्थलमा लाने र ल्याउने ब्यवस्था आयोजकले गरेको छ ।
कार्यक्रम निर्देशक भगवान मास्केका अनुसार देशैभरका करिब ६०० जेसीज र अतिथी गरी कार्यक्रममा ९०० जनाको सहभागीता रहेको छ ।
