गोरखा । नेपाल जेसीजको कार्यक्रममा प्रमुख अतिथीको रुपमा सहभागी हुन आउने पुष्प कमल दाहाल ‘प्रचण्ड’ केही समय ढिला गरेर मात्र आउने भएका छन् । बिहान ११ः०० बजे कार्यक्रम उदघाटनको लागी आउने भनिएता पनि उनी आज ३ः०० बजे मात्र कार्यक्रममा सहभागी हुने जानकारी प्राप्त भएको छ ।
राजधानीमा राजनैतिक भेटघाटका केही कार्यक्रम बाँकी रहेको भन्दै प्रमुख अतिथी प्रचण्ड दिउसो २ः३० बजे राजधानीबाट हेली मार्फत गोरखा आउने र कार्यक्रममा ३ः०० बजे सहभागी हुन आउने आयोजक नेपाल जेसीज तथा आतिथ्यता शाखा गोरखाले जनाएको छ ।
यता जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक केदार खनालले पनि प्रमुख अतिथी आउने कार्यक्रमको सेडुल सामान्य परिवर्तन भएर ३ः०० बजे मात्र कार्यक्रममा सहभागी हुने जानकारी दिए ।
