गोरखा । ऐतिहासिक पदमार्गको महत्व बोेकेको लिगलिग–गोरखा दरर्बार म्याराथुन दौड प्रतियोगिता हुने भएको छ । नेपाल एकिकरणको ऐतिहासिक महत्व बोकेका पदमार्गको सरंक्षण, प्रर्बद्धन र प्रचार–प्रसारका लागी ‘लिगलिगकोट–सिरानचोककोट–गोरखा दरबार म्याराथुन दौड प्रतियोगिता’ २०७९ हुन लागेको हो ।
गोरखा र पालुङटार नगरपालिका तथा सिरानचोक गाउँपालिका र नेपाली सेना अन्तरर्गत रहेको गोरखाको रिपु मर्दन गणको संयुक्त आयोजनामा पालुङटार नगरपालिकामा रहेको लिगलिगकोट हुदै सिरानचोक गाउँपालिकाको सिरानचोककोट हुदै गोरखा दरबारसम्मको म्याराथुन दौड प्रतियोगिता आयोजना गरिएको बिहीबार पत्रकार सम्मेलन मार्फत जानकारी गराईएको थियो ।
तत्कालिन राजा द्रव्यशाहले गोरखा राज्याभिषेक गरेको दिनको अबसर पारेर यहीँ भाद्र २५ गते गोरखामा दौड प्रतियोगिताको आयोजना गरिएको गोरखा नगरपालिकाका प्रमुख कृण्णबहादुर रानामगरले जानकारी दिए ।
दौड लिगलिगकोट–सिरानचोक गाउँपालिकाको चित्रेपोखरी–गोरखा नगरपालिकाको छेवेटार हुदै रामशाहको चौताराबाट गोरखा दरबारसम्म पुगेर समापन हुने पालुङटार नगरपालिकाका प्रमुख विवश चिन्तनले जानकारी दिए ।
नेपाल एकीकरणको उद्गमस्थलको रुपमा रहेका ऐतिहासिक स्थलको जगेर्ना गर्दै पर्यटन प्रर्वद्धनमा समेत सहयोग पु¥याउने उद्देस्यले प्रतियोगिता आयोजना गरिएको सिरानचोक गाउँपालिका प्रमुख ज्ञानेन्द्र गुरुङ बताए ।
४० किलो मिटर दुरी रहेको प्रतियोगितामा प्रथमदेखि १० औं स्थानसम्मका बिजेताहरुलार्ई नगद र मेडल र प्रमाण पत्रको ब्यवस्था गरिएको आयोजक मध्येको रिपु मर्दन गणले जनाएको छ ।
प्रतियोगितामा प्रथम हुनेले १ लाख ५० हजार, द्धितिय र तृतिय हुनेले क्रमश १ लाख र ७५ हजार नगद पुरस्कार, मेडर र प्रमाण पत्र प्रदान गरिने छ । प्रतियोगितामा चौथो, पाँचौ, छैठौ, सातौ, आठौ, नवौ र दशौं हुनेलाई क्रमश.५० हजार, ३५ हजार, ३० हजार, २० हजार, १५ हजार र १० हजार सहित नगद सहित मेडल र प्रमाण पत्र प्रदान गरिने आयोजकले जनाएको छ ।
प्रतियोगिता सम्पन्न गर्न करिब १५ लाख खर्च लाग्ने अनुमान गरिएको छ । प्रतियोगिताका लागी तीन पालिका र नेपाली सेनाको रिपुमर्दन गणले खर्चको व्यवस्थापन गर्नेछ ।
नेपाली सेनाको पहलमा बिस २०७६ सालदेखि सुरु भएको प्रतियोगिता हरेक बर्ष गरिदै आएको भएता पनि कोरोना महामारीका कारण बिगत २ बर्षदेखी सञ्चालन हुन सकेको थिएन ।
प्रतियोगितामा करिब ३०० जना धाबकहरुले सहभागीता जनाउने अनुमान गरिएको छ । सहभागिताका लागि अनलाईन मार्फत पनि नाम दर्ता गर्न सकिने आयोजकले जानकारी दिएको छ ।
पत्रकार सम्मेलनमा जिल्ला समन्वय समिति गोरखाका प्रमुख मोहनबहादुर थापा, गोरखा नगरपालिकाकी उपप्रमुख मसली मायाँ थोकर पुनः को समेत सहभागिता रहेको थियो ।