कार्यक्रमकाे पानसमा बत्ती बालेर उदघाट्न गर्दै मेयर राना
गोरखा । गोरखा नगरपालिकाका मेयर कृण्ण राना मगरले पर्वहरुले सबैमा सुख शान्ति मिलोस भन्ने कामना गरेका छन् । ब्रह्कुमारी ईश्वरीय विश्व बिद्यालय गोरखा शाखाले आज आयोजना गरेको रक्षा बन्धन कार्यक्रममा बोल्दै मेयर रानाले उक्त कुरा बताएका हुन् ।
बिद्यालयका सञ्चालिका पबित्रा संग रक्षा बन्धन गर्दै मेयर रानाले रक्षा बन्धन एउटा महत्वपूर्ण पर्वको रुपमा लामो समयदेखी स्थापित हुदै आएको छ भन्दै यो पर्वले हामी सबैलाई शान्ति प्रदान गर्न सकोस । सुख शान्ति मिलोस भन्ने कामना गरे । कार्यक्रममा बोल्दै मेयर रानाले यस्ता पर्वहरुले हामीलाई बिकास निर्माणका साथै हरेक जिचमा सक्षम हुन सकौ र गोरखा नगरबासीमा नयाँ आयामको सुरुवात हुोस भन्ने कामना समेत गरे ।
मेयर रानाले सञ्चालिका पबित्रालाई रक्षा बन्धन गर्दै
कार्यक्रममा बोल्दै सञ्चालिका पबित्राले पुराना आनाबानीलाई छाडेर सर्व हितैसी, सर्व कल्याण र सर्व मंगलको धारणा गर्न आवश्यक रहेको भन्दै अब आफुपनि पबित्र बन्न र अरुलाई पनि पवित्र बनाउन आवश्यक भएको धारणा राखिन । यस्तो भएको खण्डमा विश्वमा शान्ति र सवैमा अमन चयन कायम हुने धारणा राखिन ।
ब्रह्कुमारी विश्व बिद्यालय मान्उट आँबुबाट प्राप्त रक्षा बन्धनको मेयर रानाद्वारा अनावरण
कार्यक्रममा ब्रह्कुमारी विश्व बिद्यालय मान्उट आँबुबाट प्राप्त रक्षा बन्धनको समेत गोरखा नगरपालिकाका मेयर कृण्ण राना मगरले अनावरण गरेका थिए । मेयर रानाले सोही अवशरमा सञ्चालिका पवित्रालाई समेत रक्षा बन्धन लगाई दिएका थिए ।
कार्यक्रममा गोरखा नगरपालिका ६ का वडाध्यक्ष राजेन्द्रकुमार जोशी (दिलिप), जेष्ठ नागरिक संघका केन्द्रिय सदस्य एवं जिल्ला अध्यक्ष मोहनलाल श्रेष्ठ, सामुदायिक सेवा केन्द्र गोरखाका निर्वतमान अध्यक्ष अच्युतलाल श्रेष्ठ, गोरखा उद्योग बाणिज्य संघका पूर्व अध्यक्ष ईश्वरकाजी मास्के, निर्माण ब्यवसायी संघका निर्वतमान अध्यक्ष बावुराम श्रेष्ठ लगायतले रक्षा बन्धन लगाएका थिए ।
सञ्चालिका पबित्राले मेयर रानालाई रक्षा बन्धन गर्दै
शाखाका अनुसार गत बर्ष ३ हजार ५०० भन्दा बढी मानिसले रक्षा बन्धन लगाएको र यो बर्ष त्यो भन्दा पनि बढीले लगाउन सक्ने अनुमान गरिएको छ ।