गोरखा । जिल्लाको ८ स्थानिय तहमा सक्रिय संक्रमितको संख्या ५४ जना रहेका छन् । गण्डकी, बारपाक सुलिकोट र चुमनुब्री बाहेकका स्थानिय तहमा ५४ जना संक्रिय संक्रमित रहेको स्वास्थ्य कार्यालय गोरखाले जनाएको हो ।
बुधबार आरुघाट गाउँपालिकामा ४ जना महिला र ३ जना पुरुषमा एन्टिजेन परिक्षण गरिएको भएता पनि पोजेटिन नदेखिएको कार्यालयले जानकारी दिएको छ ।
स्वास्थ्य कार्यालय गोरखाका महामारी फोकल पर्सन नारायणबावु अर्यालले दिएको जानकारी अनुसार ०७९ साल साउन १ गते यता जिल्लाको विभिन्न स्थानिय तहमा ३२६ जनामा एन्टिजेन परिक्षण गरिएकोमा ८२ जनामा पोजेटिभ देखिएको र बुधबारसम्म २८ जना निको भएका छन् ।
जिल्लाको गोरखा नगरपालिकामा सबै भन्दाबढी संक्रमित रहेका छन् । जहाँ १२ जना सक्रिय संक्रमित रहेका छन् । भने आरुघाट गाउँपालिकामा ११ जना र सिरानचोक गाउँपालिकामा १० जना रहेका छन् ।
त्यस्तै गरी, पालुङटार नगरपालिकामा ८ जना, अजिरकोट गाउँपालिकामा ७ जना, भीमसेन थापा गाउँपालिकामा ७ जना र शहिद लखन र धार्चेमा १–१ जना सक्रिय संक्रमित रहेको पनि महामारी फोकल पर्सन अर्यालले जानकारी दिए ।
