गोरखा । पालुङटार नगरपालिका–९ सेरा स्थित चुत्ती खोलामा अस्थायी कल्भट निर्माण गरिएको छ । नगरपालिकाको उपल्लो सेरा, सिस्नेरी हुदै सेरा सडकखण्डमा आउजाउ गर्ने उक्त खोलामा अस्थायी कल्भट निर्माण गरिएको हो ।
हरेक बर्खामा पानीको सहत बढेसंगै आसपासका बासिन्दाहरु ज्यान नै जोखिम मोलेर खोला ओहोरदोहोर गनुपर्ने बाध्य पछि नगरपालिकाले अस्थायी कल्भट निर्माण गरिदिएको नगरप्रमुख बिबस चिन्तनले बताए ।
‘यो स्थायी समाधान त होइन, उनले भने, ‘तै पनि सम्भावित दुर्घटना हुन नदिन अस्थायी रुपमा भनेपनि कल्भट हालिएको हो, यसबाट धेरै हदसम्म सहज हुन्छ ।’ खोला बढेका बेला नजिकै रहेको त्रिवेणी माध्यामिक बिधालयका बिधार्थीहरुलाई दैनिक रुपमा बिधालय आउजाउका लागी समेत कठिन हुदै आएको थियो । नगरप्रमुख बिबसले समस्या समाधानका लागि नगरपालिकाले स्थायी समाधान खोज्ने समेत जानकारी दिए ।
‘पहिलेदेखि नै त्यहाँका बासिन्दाहरुले समस्या भोग्दै आएका थिए । गएको जेठ १७ गतेको अविरल बर्षाका कारण ठुलै क्षती पुगेपछि स्थानियले समस्या भोग्दै आएका थिए ।
बर्षा याममा बिधालय आउने जाने बालबालिकालाई खोलाले बगाउला भन्ने डर एकातिर थियो भने अर्कोतिर अभिभावकहरु बालबालिका बिधालयबाट घर नर्फकिएसम्म चिन्तामा बस्नु पर्ने बाध्यता थियो । नगरपालिकाले स्थानिय संगको छलफल पछि अस्थायी कल्भट निर्माण गरिदिएको जनाएको छ ।
खोलामा पानीको सहत बढे संगै आसपासका क्षेत्रका १५० जना भन्दा बढी बिधार्थीहरु बिद्यालय जान नसक्ने अबस्था हुने गरेको थियो । खोलामा पानी सतह बढेका बेला हरेक बर्ष बिधार्थीहरुलाई शिक्षक र अभिभावकहरु जम्मा भएर खोला वारपार गराउनुपर्ने बाध्यता अबबाट हट्ने विश्वास स्थानियले राखेका छन् ।
