गोरखा । गोरखा नगरपालिका १० बिरेनचोक निवासी एक युवकको कुटपिट भएको ७७ दिनमा आज ज्यान गएको छ । उपचारकै क्रममा रहेका २१ बर्षिय अनिस आलेमगरको आज गण्डकी अस्पताल पोखरामा ज्यान गएको हो ।
जिल्ला प्रहरी कार्यालय गोरखाले दिएको जानकारी अनुसार घाटु नाँच हेरेर फर्किएका अनिसलाई स्थानिय ४ युवाहरुले गएको जेष्ठ ३ गते कुटपिट गरेका थिए । घाईते अनिसको सुरुमा चितवनमा उपचार भई रहेको भएता पनि पछिल्लो समय पोखराको गण्डकी अस्पतालमा उपचारको क्रममा सोमबार मृत्यु भएको हो ।
कुटपिटमा संलग्न सबै युवा नाबालक भएको जिल्ला प्रहरी कार्यालय गोरखाले जानकारी दिएको छ । उनीहरुलाई तत्कालीन समयमा नै पक्राउ गरी अभद्र ब्यवहारमा मुद्वा चलाएर जिल्ला प्रशासनले धरौटीमा रिहा गरेको थियो ।
अस्पतालमा प्रारम्भीक प्रतिवेदन अनुसार मृत्तक अनिसको कलेजोमा पानी जमेको देखिएको पनि छ । यता घटनामा संलग्नहरुको पक्राउका बिषयमा मृक्तकको पोष्टमार्टम रिर्पोट नआउदासम्म केही भन्न नसकिने जिल्ला प्रहरी कार्यालय गोरखामा प्रहरी उपरिक्षक केदार खनालले जानकारी दिए ।
खनालका अनुसार पोष्टमार्टम रिर्पोट प्राप्त हुनासाथ पक्राउ गर्न आवश्यक भएको खण्डमा तत्कालै नियन्त्रणमा लिने बताए । तारेखमा रिहा भएका युवाहरुले मृत्तक अनिसको अहिलेसम्मको उपचारमा खर्च भएको रकम ब्यर्होदै आएको पनि प्रहरीले जनाएको छ ।
मृत्तक अनिसकाे शव अहिले गाेरखा अस्तापलमा राखिएकाे छ । उनकाे यही वा बाहिरी जिल्लामा लगेर पाेष्टमार्टम गर्ने भन्नेबार छलफल भई रहेकाे पारिवारीक स्राेतले जनाएकाे छ ।
