गोरखा । नेपाल रेडक्रस सोसाईटी बुङकोट उप—शाखाले आज स्थानीय सरोकारवालाका लागी अभिमुखीकरण कार्यक्रम सम्पन्न गरेको छ ।
बुङ्गकोट उपशाखाको आयोजना तथा जिल्ला शाखा गोरखाको सहयोगमा शहिद लखन गाउँपालिका ८, बुङ्गकोट स्थित रामेश्वरी माद्यमिक विद्यालयमा स्थानीय सरोकारवालाहरुका लागि बिपद ब्यबस्थापन, मनोसामाजिक परामर्श तथा आत्माहत्या रोकथाम र लैङ्गिक समाबेशिकरण सम्बन्धि अभिमुखिकरण कार्यक्रम सम्पन्न गरेको हो ।
अभिमुखीकरण कार्यक्रममा विभिन्न सरोकारवाला निकायका व्यक्तित्वहरु, स्थानीय जनप्रतिनिधी, वडा भित्रका सामुदायिक बिद्यालयका अध्यक्ष, प्रधानाध्यापकहरु, स्वास्थ्य संस्थाका प्रमुखहरु, महिला स्वास्थ्य स्वयमसेविकाहरु, बुङ्गकोट उपशाखाका कार्यसमितिका पदाधिकारीहरु र बिद्यालयका बिद्यार्थीहरु गरी ११० जनाको सहभागीता रहेको थियो ।
बुङ्गकोट उपशाखाका सभापति ईन्द्रराज ढकालको सभापतित्व तथा शहिद लखन गाउँपालिकाका अध्यक्ष रमेश बाबू थापामगरको प्रमुख अतिथ्यतामा सम्पन्न कार्यक्रममा शाखाका मन्त्री भिमसेन काजि बानियाँ, जिल्ला प्रशासन कार्यालय गोरखाका प्रमुख शंकरहरि आचार्य, गोरखा नगरपालिकाका उपप्रमुख मसलिमाया थोकर पुनः, राष्ट्रिय अनुसन्धान कार्यालय गोरखाका उपनिर्देशक सुदिप अधिकारी, जिल्ला प्रहरी कार्यालय गोरखाका प्रहरी उपरीक्षक केदार खनाल र वडा नं. ८ का अध्यक्ष बासुदेव ढकाल लगायतले मन्तव्य राख्नु राखेका थिए ।
