गोरखा । लायन्स क्लव अफ गोरखा दरौदीको वर्ष २२–२३ को अध्यक्षमा रमेश विष्टले आफ्नो कार्यकाल वृक्षारोपण तथा क्लवको आफ्नै सचिवालयको उद्घाटन गरेर शूरुवात गरेका छन् ।
सन २०१६ नोभेम्वर २ मा चार्टर भएको क्लवको सचिवालयको एक कार्यक्रमका वीच लायन्स क्लव इन्टरनेसनल डिष्ट्रिक ३२५ आर्इका गभर्नर रामवहादुर वसेलले उदघाटन गरेका हुन् ।
उद्घाटन पछि बोल्दै गभर्नर वसेलले समाजसेवाको भावका साथ छोटो समयमै क्लवले गरेका सामाजिक तथा सेवामुलक कामवाट आफू प्रभावित भएको वताए ।
क्लवका अध्यक्ष रमेश विष्टको अध्यक्षतामा भएको कार्यक्रममा लायन्स क्लव इन्टरनेसनल डिष्ट्रिक ३२५ आर्इका प्रथम उप गभर्नर चन्द्रकुमार केसी, फष्ट लेडी भावना वसेल, सिनियर एओजी विकास थापा, गोरखा नगरपालिका वडा नम्वर १० का वडा सदस्य गोकर्णवहादुर थापा लगाएतले मन्तव्य व्यक्त राखेका थियो ।
जुलाई १ तारिखवाट शुरु हुने क्लव पदाधिकारीहरुको कार्यकालको पहिलो कार्यक्रम अन्तर्गत क्लवले तारा माविमा वृक्षारोपण समेत सम्पन्न गरेको अध्यक्ष विष्टले जानाकरी दिए । क्लवको वर्तमान कार्यकालको लागि प्रथम उपाध्यक्षमा कमलनारायण श्रेष्ठ, द्वितीय उपाध्यक्षमा मोहन श्रेष्ठ, तृतीय उपाध्यक्षमा रामचन्द्र पाण्डे, सचिवमा सन्तोष रेग्मी, कोषाध्यक्षमा गिरिशवावु वस्नेत लगाएत पदाधिकारी चयन भएका छन् । क्लवमा हाल १८ जना सदस्यहरु रहेका छन् ।
