सन्दर्भ तस्बिर
गोरखा । सदरमुकाममा जिल्लास्तरीय राष्ट्रपति रनिङ शिल्ड प्रतियोगिता सुरु भएको छ । प्रतियोगितामा जिल्लाका ७ स्थानिय तहले सहभागीता जनाएका छन् ।
प्रतियोगिताको पहिलो गोरखा र पालुङटार नगरपालिका बिच छात्रछात्रा दुबै तर्फ काँराते र तेक्वान्दो खेल सम्पन्न भएको छ । २१ गतेसम्म चल्ने प्रतियोगितामा भलिबल, कबड्डी र एथ्लेटिक्स अन्तरगतका बिभिन्न विधामा प्रतिस्पर्धा हुने आयोजक जिल्ला खेलकुद बिकास समितिले जनाएको छ ।
प्रतियोगितामा अन्तरगत १०० मिटर, २०० मिटर, ४०० मिटर, ८०० मिटर, १५०० मिटर र ३००० मिटरको दौड प्रतियोगिताका साथै हाइजम्प, लम्जम्प, ट्रिपल जम्प, सर्टपुट, ज्याबलिङ थ्रो बिधामा प्रनि प्रतिस्पर्धा हुने समितिका अध्यक्ष शान्त सिं बस्नेतले जानकारी दिए ।
प्रतियोगितामा गोरखा र पालुङटार नगरपालिका तथा भिमसेन थापा, बारपाक सुलिकोट, गण्डकी, धार्चे र चुमनुब्री गाँउपालिका गरी ७ पालिकाले खेलाडीको नाम दर्ता गराएको पनि समितिले जनाएको छ ।
