गोरखा । बैशाखमा चितवनको खैरहनीबाट चोरी भएको मोटरसाइकल गोरखामा भेटिएको छ । चोरीमा संलग्न भएको आरोपमा प्रहरीले २ जनालाई नियन्त्रणमा लिएको जिल्ला प्रहरी कार्यालय गोरखाले जनाएको छ ।
बैशाख ५ गते चितवनको खैरहनी नरपालिका १ बाट चोरी भएको बा. ८३ प ३८९३ नम्बरको मोटर साइकल गोरखाको शहिद लखन गाउँपालिका ४ को जुद्विटारमा फेला परेको हो । उक्त सडक खण्डमा प्रहरीले असार १३ गते चेक जाँचका क्रममा मोटरसाइकल चालकले अस्वभाविक कृयाकलाप देखाए पछि प्रहरीले कागजपत्र माग्ने क्रममा चोरीको भएको पुष्टी भएको थियो ।
प्रहरीले मोटरसाइकल चालक शहिद लखन गाउँपालिका ४ जुद्विटारका ३४ बर्षिय लोकबहादुर थापा (मोटरसाइकल खरिदकर्ता) र चितवन ईच्छा कामना गाउँपालिका ३ चुम्लिङटारका ३१ बर्षिय कमल गुरुङलाई पक्राउ गरेको जिल्ला प्रहरी कार्यालय गोरखाका प्रहरी नायब उपरिक्षक तथा सुचना अधिकारी लिलाराज लामिछानेले जानकारी दिए ।
पक्राउ परेको मोटर साइकल सहित दुवै जनालाई चितवन प्रहरीको समन्वयमा थप अनुसन्धानका लागि चितवन प्रहरीमा पठाईएको गोरखा प्रहरीले जनाएको छ ।
