गोरखा । जिल्लाको स्वारामा चितुवा आतंक फैलिएको छ । चितुवाले बारपाक सुलिकोट गाउँपालिका ३ स्वाँरा कालिमाटीमा सर्व साधारण किसानको १–१ वटा भैसी र राँगो माथि आक्रमण गरेर मारिदिएको छ ।
सोमबार राती चितुवाले स्थानीय भिमबहादुर नेपालीको गोठमा रहेको रोगा र भैँसीलाई आक्रमण गरेर मारिदिएको हो । ‘बिहान गोठमा गएर हेर्दा राँगा र भैसी मरिरहेको देखे । घरमा सबैलाई खबर गरियो र गाउँले पनि आयो सबै तिर हेर्दा चितुवाले आक्रमण गरेर केही भाग खाएको देखियो’ भिमबहादुरका छोरा शंकर नेपालीले बताए ।
उनका अनुसार केही बर्ष यता सोही गोठमा अहिलेसम्म ७ वटा गाईबस्तु चितुवाको आक्रमणमा परी मारिएको छ ।
घर र गोठ केही टाढाँ हुदा गाईबस्तु चितुवाले आक्रमण पर्ने गरेको शंकरले जानकारी दिए । निरन्तर चितुवाले जनावर माथि आक्रमण गदा स्थानीय त्रसित बनेका छन् ।