साँकेतिक तस्बिर
गोरखा । उत्तरी गोरखाको बिहीमा आगलागी हुदा १ जना युवतीको ज्यान गएको छ । ज्यान जानेमा चुमनुब्री गाउँपालिका ५ की २१ बर्षिया ओरगेन छोडेन भएको पुष्टी भएको छ ।
गएको १७ गते घरमा खाना पकाउने क्रममा आगलागीबाट जलेर गंभिर घाइते भएकी उनलाई हेली मार्फत उपचारको लागि राजधानीको किर्तीपुर अस्पतालमा लगिएको थियो । उनको उपचारको क्रममा आइतबार ज्यान गएको प्रहरी प्रधान कार्यालयले जनाएको छ ।
यता घटना बिषयमा आफुहरुलाई हिजो मात्र जानकारी आउको र सो सम्वन्धमा बुझने क्रममा आफ्नै घरमा खाना पकाउने क्रममा मेसिनमा प्रयोग गर्नको लागि राखिएको पेट्रोलमा आगो लागेर जल्दा गम्भीर घाइते भएकी उनको कीर्तिपुर नगरपालिका २ देबढोकास्थित कीर्तिपुर अस्पतालमा थप उपचारको क्रममा आइतबार मृत्यु भएको खबर प्राप्त भएको जिल्ला प्रहरी कार्यालय गोरखाका प्रहरी उपरिक्षक केदार खनालले बताए ।
युवतीको मृत्यु पछि किर्तीपुर प्रहरीमा जाहेरी परे संगै जिल्ला प्रहरी कार्यालयमा पत्राचार भए पछि मात्र कार्यालयलाई जानकारी भएको प्रउ खनालले बताए ।
घटनाका सम्पन्धमा अनुसन्धान सुरु गरिएको जिल्ला प्रहरी कार्यालय गोरखाले जनाएको छ ।