गोरखा । आर्थिक अवस्था दनिय भएको ४ बालबालिकालाई मानवसेवा आश्रम गोरखाले उद्वार गरेरको छ । जिल्लाको सिरानचोक गाउँपालिका ४ हर्मीबाट ४ जना बालबालिकाको उद्धार गरेको आश्रमले जनाएको छ ।
कमजोर आर्थिक अबस्थाका कारण दयनिय जिवन बिताईरहेका ३ बर्षका रन्जित परियार, ६ बर्षका देव परियार, १० बर्षका सन्देश परियार र १२ बर्षर्की अनिसा परियारलाई उद्वार गरिएको आश्रमकी जिल्ला संयोजक मुना लामाले जानकारी दिनुईन ।
आमाले ३ बर्ष अघि नै छोडेर गएको, बाबु बोल्न र कान नसुन्ने तथा सुस्त मनस्थिती भएका कारण बालबालिकाहरुको अबस्था दयनिय बन्दै गएपछि पालनपोषणका लागि आश्रमले उद्धार गरेर गोरखा शाखाको आश्रममा ल्याएको हो ।
पानी चुहिने घर तथा खानका लागि समेत अन्न नभएको अवस्थामा बालबालिकालाई उद्वार गरिएको आश्रमले जानकारी दिएको छ । उनीहरुले पेट भर्नका लागि मागेर हिड्न थाले पछि स्थानियको सूचना र पालिकाको समन्वयमा उद्वार गरिएको थियो ।
उद्वार गरिएका बालबालिकाहरुलाई गाउँपालिकाका उपाध्यक्ष रिता देवकोटा र वडा नम्बर ३ का वडाध्यक्ष जगदिश्व्र ढकालको रोहबरमा आश्रममा ल्याईएको संयोजक लामाले बताईन ।