पानसमा बत्ती बालेर उदघाट्न गर्दै मेयर राना
गोरखा । जेष्ठ नागरिकहरुलाई लक्षित गर्दै गोरखा बजारमा आजदेखी दिवासेवा केन्द्र सञ्चालनमा आएको छ । जेष्ठ नागरिक संघ गोरखा शाखाले गोरखा नगरपालिका ६ को रानीपोखरी परिषरमा रहेको सोह्र खुट्टे पार्टीमा सेवा केन्द्र सञ्चालनमा ल्याएको हो ।
दिवासेवा केन्द्रमा भजन गाउदै
सेवा केन्द्रको उदघाट्न गर्दै प्रमुख अतिथी गोरखा नगरपालिकाका मेयर कृण्ण रानाले जेष्ठ नागरिक अनुभवको खानी भएको बताए । ‘सबै मानिस एक दिन जेष्ठ नागरिक हुन्छन् । उनीहरु अनुभवका खानी भएको’ भन्दै मेयर रानाले ‘नगर क्षेत्र भित्रको जेष्ठ नागरिकहरुलाई ब्यवस्थापन गर्ने बिषयमा गोरखा नगरपालिकाले कार्यक्रम सार्वजनिक गर्ने’ बताए ।
कार्यक्रममा सहभागीहरु
मेयर रानाले समाज परिवर्तनका लागि पनि जेष्ठ नागरिकको भुमिका महत्व पुर्ण हुने भन्दै नगरको सबै वडाहरुमा जेष्ठ नागरिकको दिनाचार्य सरल बनाउन संघको समन्वयमा सेवा केन्द्र सञ्चालनमा ल्याउने बताए ।
कार्यक्रमका बिशेष अतिथी उप मेयर मसली मायाँ थोकर पुनःले संघले सदरमुकाममा दिवासेवा केन्द्र खोलेर नमुना काम गरेको भन्दै नगर क्षेत्र भित्रको सबै वडामा यस्ता सेवा केन्द्र खोल्नु पर्ने आजको आवश्यकता रहेको बताए ।
उपमेयर पुन:लाई सम्मान गर्दै
संघले आइतबारदेखी सञ्चालनमा ल्याएको दिवासेवा केन्द्रमा जेष्ठ नागरिकहरु जम्मा भएर भजन कृतन तथा भेटघाट गरेर अनुभव साटासाट तथा मनोरञ्जन लिन सक्ने संघको उद्वेश्य रहेको अध्यक्ष मोहनलाल श्रेष्ठले जानकारी दिए । गणतन्त्र दिवशको अवशर पारेर सञ्चालनमा ल्याएको केन्द्र दैनिक दिउसो १ः०० बजेदेखी खुल्ला रहने र साँझ बन्द हुने छ ।
केन्द्रमा जम्मा भएका सबै जेष्ठ नागरिकलाई चिया र बिस्कुट समेत दैनिक ब्यवथापन गरिएको पनि संघले जनाएको छ ।
केन्द्रको मेयर राना र उप मेयर पुनःले पानसमा बत्ति बाली रिबन काटेर उदघाट्न गरेका थिए ।
पुष्कल तिर्थ क्षेत्र
माेहनलाल श्रेष्ठकाे अघ्यक्षतामा भएकाे कार्यक्रममा सहायक प्रमुख जिल्ला अधिकारी कमलराज भण्डारी, गाेरखा नगरपालिका वडा नम्बर ६ का वडाघ्यक्ष राजेन्द्रप्रसाद जाेशी (दिलिप), गाेरखा उद्याेग बाणिज्य संघका अघ्यक्ष कृण्णकुमार श्रेष्ठ र जेष्ठ नागरिक नारायण भक्त्त अर्याल लगायतले कार्यक्रममा शुभ कामना मन्तब्य राखेका थिए ।
