गोरखा । जेष्ठ नागरिक संघ गोरखा शाखालाई समाज सेवी लक्ष्मण नेपालीले आज १ लाख १५ हजार ५५५ रुपैयाँ सहयोग उपलब्ध गराएको छ । संघले सदरमुकाममा गरेको एक कार्यक्रममा नेपालीले उक्त रकम अक्षय कोषमा रहने गरी उपलब्ध गराएको हो ।
गोरखा नगरपालिका ६ को पुष्कल तिर्थमा आयोजित दिवासेवा कार्यक्रममा नेपालीले संघको खातामा अक्षय कोषमा रहने गरी रकम उपलब्ध गराएको हो । कार्यक्रममा सहभागी हुन पुगेका नेपालीले ऐछिक रुपमा आफुले उक्त रकम उलब्ध गराएको जानकारी दिए ।
अक्षय कोषबाट आउने रकमले जेष्ठ नागरिकहरुको हक हितमा खर्चिने गरी रकम दिएको नेपालीले जानकारी दिए । उता कार्यक्रममा नेपालीले ठुलै रकम अक्षय कोषमा उपलब्ध गराएको भन्दै जिल्ला संघका अध्यक्ष मोहनलाल श्रेष्ठले कृतज्ञता प्रकट गरे । ‘हामी वहाँलाई उचित समयमा सम्मान गर्ने छौ’ अध्यक्ष श्रेष्ठले भने ।
तस्बिर : ईश्वर श्रेष्ठ