गोरखा । हालै सम्पन्न स्थानिय निर्वाचनको मत परिणाम अनुसार गोरखा नगरपालिकाको मेयरमा माओवादी केन्द्रका कृण्णराना मगर बिजयी भएका छन् । मेयरमा रानाले उनका प्रतिद्वन्दी राजनराज पन्तलाई हराउदै बिजयी भएका हुन् ।
१४ वडा रहेको गोरखा नगरपालिकामा १३ वडाको मत परिणाम सार्वजनिक हुदा रानाले पन्तलाई हराएको हो । रानाले १३ वडाबाट कुल ८ हजार २९५ मत पाईसकेका छन् ।
वडा नम्बर १४ मा १ हजार ४०१ मत गन्न बाँकी हुदा राना बिजयी भएको हो ।
को हुन् गोरखा नगरपालिका नवनिर्वाचित मेयर कृष्णराना मगर ?
गोरखा नगरपालिकाको नेकपा माओबादी केन्द्रबाट मेयरमा उमेदार बनेका कृष्णबहादुर राना मगर त्यागी ईमान्दार र निष्ठाबान छवि बनाएका नेताको रुपमा चिनिन्छन् । गोरखा नगरपालिका ८ आमडाँडा निवासी राना पिता कमलबहादुर राना र माता टेककुमारी रानाको कोखबाट बिस २०१९ साल माघ १४ गते जन्मिनु भएका हुन् ।
राना मगर निस्वार्थ राजनीतिमा लाग्ने माओवादी भित्रका एक उदाहरणीय पात्र हुन् । राजनीतिमा लागेर लिने होइन जनतालाई दिने हो भन्ने बिचार राख्ने उन झण्डै ३८ बर्षदेखि माओबादीमा पार्टीमा क्रियाशिल छन् ।
मध्यम बर्गिय किसान परिबारमा जन्मीएका नेता रानामगर २०३६ सालमा अनेरास्वबियु छैटौको सदस्य लिदै पहिलो पटक ०४० सालमा कम्युनिष्ट पार्टीको औपचारिक रुपमा सदस्यता लिएको थिए । उनले २०४६ सालमा पार्टीको ईलाका सदस्य, ०५१ सालमा अखिल नेपाल जनजाती महासंघको जिल्ला अध्यक्षको जिम्मेवारी सफलता पूर्वक पुरा गरेका थिए ।
०५२ साल फागुन १ गते तात्कालिन नेकपा माओबादीले जनयुद्वको सुरु गरेका बेला रानामगर शिक्षण पेशामा आबद्व थिए । प्रधानाध्यापकको भूमिका रहेका उनले बचेको समय पार्टीमा क्रियाशिल रहे । जनयुद्धका समयमा राज्य पक्षबाट विभिन्न समयमा रानामगरलाई चरम मानसिक र शाररिक यातना दिईएको थियो ।
१५ महिना जेल जिवन बिताएका रानामगरले जेलबाट निस्किएपछि जनताको सुख दुःखमा साथ दिदै अघि बढीरहे । पाटी र आन्दोलनमा खरो रुपमा उत्रिने उनको बानीले पाटीको ईलाका सेकेटरी, मगरमुक्ति मोर्चाको केन्द्रीय सदस्य, पार्टीको नगर समितिको अध्यक्ष, प्रदेश सदस्य, केन्द्रीय आयोजक समितको सदस्य, मगर मुक्ति मोर्चाको हाल केन्द्रीय उपाध्यक्ष र हाल बर्तमान गोरखा नगरपालिकाको अध्यक्षको जिम्मेवारी सम्हाली रहनुभएको छ ।
बिचार र सिदान्तलाई राजनितिमा आदर्शको रुपमा लिने नेता राना मगर कहिलै बिचलित नहुने कम्युनिष्ट क्रान्तिकारी योद्धा हुन् ।
