गोरखा । गठबन्धन बिच गोरखाको ११ वटै पालिका प्रमुख र उपप्रमुखको भाग बन्डाको काम सम्पन्न भएको छ । निकै सकसका बिच गठबन्धन दलहरुले पालिका प्रमुख र उपप्रमुखको भाग बन्डा सकेका हुन् ।
जिल्लामा भएको पटक पटकको छलफलमा निष्कर्ष ननिस्कीए पछि गठबन्धन दलका प्रतिनिधीहरु बिच बुधबार राती तनहुँको एक होटलमा भएको छलफल पछि दलिय भाग वन्डाको काम सकिएको हो । ‘निकै रस्साकस्सी बिच सबै तहको प्रमुख र उपप्रमुख कसले पाउने भन्ने बारेमा निर्णय भएको’ बार्ता समितिका एक नेताले बताए । उनका अनुसार बिहिबार बिहान १ पटक ड्राफ्ट गरेर कुन कुन पालिकामा कुन कुन राजनैति दलका प्रमुख र उपप्रमुख हुने भन्ने बारमा सार्वजनिक गरिने छ ।
गोरखा समाचारलाइ प्राप्त गोप्य सुचना अनुसार गोरखा नगरपालिकामा नेपाली काँग्रेसले प्रमुख र एकिकृत समाजवादीलाई उपप्रमुख दिने सहमती भएको छ ।
गोरखा नगरपालिकामा उपप्रमुखको दावी गरिरहेको नेकपा माओवादी केन्द्रले भने पालुङटारमा प्रमुख र जनता समाजवादी पार्टीले उपप्रमुख पद पाउने भएका छन् ।
त्यस्तै गरी सिरानचोकमा जसपाले प्रमुख र काँग्रेसले उपप्रमुख पद पाउने भएका छन् भने अजिरकोटमा काँग्रेसले प्रमुख र माओवादी केन्द्रलाई उपप्रमुख दिने सहमती भएको छ ।
माओवादी प्रभाव रहेको बारपाक सुलिकोट गाउँपालिकामा प्रमुख माओवादी केन्द्रलाई र उपप्रमुख काँग्रेसले पाउने भएका छन् भने भीमसेन थापा गाउँपालिकामा काँग्रेसले प्रमुख र माओवादी केन्द्रले उपप्रमुख पद पाउने भएका छन् ।
दलहरु बिच बुधबार रातीसम्म भएको सहमती अनुसार धार्चे गाउँपालिकाको प्रमुखमा माओवादी केन्द्र र उपप्रमुखमा काँग्रेस र शहिद लखन गाउँपालिकामा प्रमुख माओवादी केन्द्रलाई र उपप्रमुख काँग्रेसलाई दिने सहमती भएको छ ।
हिमाल पारीको गाउँ भनेर चिनिने चुम नुब्री गाउँपालिकामा प्रमुख काँग्रेसलाई र उपप्रमुखमा माओवादी केन्द्रलाई दिने सहमती भएको पनि स्रोतले जानकारी दिएको छ ।
त्यस्तै गरी आरुघाटमा प्रमुख काँग्रेस र उपप्रमुखमा माओवादी केन्द्र र गण्डकी गाउँपालिकामा प्रमुख काँग्रेसलाई र उपप्रमुख माओवादी केन्द्रलाई दिने सहमती भएको छ ।

लेखकबाट थप:

• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : बागमती, गण्डकी र कर्णालीमा भारी वर्षाको सम्भावना