गोरखा । बुधबार राती जिल्लाको २ भिन्न स्थानमा स्कुटर दुर्घटना भएको छ । दुवै घटनामा चालकलाई गंभिर चोट लागेका कारण दुवैको चितवनमा सघन उपचार कक्षमा राखेर उपचार भई रहेको छ ।
बुधबार साँझ ६ बजे गोरखा नगरपालिका ८ को आहालेमा रहेको शसत्र क्याम्प नजिकैको खोल्सीमा गोरखा बजारबाट कोखे आहाले तर्फ जादै गरेको प्रदेश ३–०२–०१० प ४९७९ को भेस्पा स्कुटर अनियन्त्रीत भएर दुर्घटना हुदा गोरखा नगर पालिका ८ बस्ने १९ बर्षका मनिष अधिकारी गंभिर घाईते भएका थिए ।
अधिकारीको नाक, मुख, कानबाट रगत आएका कारण गोरखा अस्पतालमा सामान्य उपचार लगत्तै चितवन रिफर गरिएको जिल्ला ट्राफिक प्रहरी कार्यालय गोरखाले जनाएको छ । उनी संगै सोही स्कुटरमा सवार गोनपा ४ बस्ने १८ को विवेक थापाको भने गोरखा अस्पतालमा सामान्य उपचार पछि घर फर्किएका छन् ।
त्यस्तै गरी, बुधबार राती ९ः०५ बजे गोरखा नगरपालिका ११ को सोह्र किला भन्ने स्थानमा गोरखा बजारबाट छेवटार तर्फ जादै गरेको ग. १४ प ६४३० नम्बरको स्कुटर अनियन्त्रित भएर दुर्घटना हुदा गोरखा नगर पालिका १० छेवेटार बस्ने ३५ बर्षिय सन्तोष कुमाल गंभिर घाईते भएका छन् ।
कुमालको राती नै छेवेटारमा रहेको एक अस्पतालमा सामान्य उपचार लगत्तै थप उपचारको लागि चितवन रिफर गरिएको हो । कुमाललाई पनि चितवनमा सघन उपचार कक्षमा राखेर उपचार भई रहेको जिल्ला ट्राफिक प्रहरी कार्यालय गोरखाले जानकारी दिएको छ।
कुमालको दुर्घटनामा परी टाउकोमा गंभिर चोट लागेको छ ।
