गोरखा । पालुङटारको बड् डाडाँमा ब्रह्मा कुमारी ईश्वरीय विश्व विद्यालयको उप-शाखा स्थापना गरिएको छ । पालुङटार नगरपालिका ४
को बड् डाडाँमा नयाँ भवन सहितको उप-शाखा स्थापना गरिएको हो ।
स्थानिय गणेश श्रेष्ठले उपलब्ध गराएको करिब १ रोपनी जमिनमा उप-शाखा स्थापना गरिएको छ । ४ कोठे भवनको लागी २६ लाख २१ हजार ५०९ रुपैयाँ खर्च भएको उप-शाखाले जनाएको छ ।
उप-शाखा स्थापनाकोलागि पालुङटार नगरपालिकाले हालसम्म १३ लाख, ४ नम्बर वडा कार्यालयले ३ लाख, चन्दादाताबाट ९ लाख ५ हजार ५११ रुपैयाँका साथै ब्रह्मा कुमारी विश्व बिद्यालय गोरखा र पोखरा शाखाले पनि भवन निर्माणमा आर्थिक सहयोग गरेको थियो ।
निर्माण समिति मार्फत निर्माण भएको भवनको शनिबार एक कार्यक्रम विच गृह प्रवेश सम्पन्न भएको छ । कार्यक्रममा पालुङटार नगरपालिकाका मेयर ई.दिपकबावु कड्लले रिबन काटेर गृह प्रवेश गरेका थिए ।
गृह प्रवेशकै कार्यक्रममा शिवध्वजारोहणका साथै स्नेह मिलन कार्यक्रम पनि सम्पन्न गरिएको उप-शाखाले जनाएको छ ।