गोरखा । गोरखाका दुई गाउँपालिका बिच भगिनी सम्बन्ध स्थापना भएको छ । जिल्लाको शहिद लखन गाउँपालिका र गण्डकी गाउँपालिका बिच बिभिन्न क्षेत्रमा सहयोग र सहकार्य गर्ने सहमती गर्दै भगिनी सम्बन्ध स्थापना भएको हो ।
भौगोलिक हिसावले समेत सिमाना जोडिएको र सहकार्य तथा समन्वय गरेर अघि बढ्दा बिकास निर्माणमा समेत सजिलो हुने भएपछी २ पालिका बिच भगिनी सम्बन्ध स्थापना गरिएको शहिद लखन गाउँपालिकाका अध्यक्ष रमेश थापामगरले बताए ।
‘दुवै गाउँकार्यपालिकाको संयुक्त बैठले ११ बुदेँ सहमति पारित गरेर भगिनी सम्वन्ध स्थापना गरिएको गण्डकी गाउँपालिकाका अध्यक्ष होमबहादुर थापाले बताए ।
अब उपरान्त दुवै गाउँपालिकाको सिमानामा पर्ने रणनीतिक सडक, भौतिक पूर्वाधार निर्माण तथा स्तरोन्नतीका लागि मिलेर संघ प्रदेशमा विकासका लागी बजेट मागगर्ने सहमती भएको पनि दुवै पालिकाले जनाएको छ ।
‘पालिका स्तरबाट बिनियोजन गर्नसक्ने बजेटका सवालमा साँध सिमानामा पर्ने सडक निर्माणका लागी दुवै पालिकाले मिलेर बजेट बिनियोजन गर्ने वा थप बजेटको आवश्यकता परेमा केन्द्र र प्रदेशमा संयुक्त समन्वय गर्ने सहमती पत्रमा उल्लेख गरिएको छ ।
सहमती अनुसार दुई पालिका भित्र रहेका पर्यटकिय क्षेत्रको आपसमा मिलेर प्रचारप्रसार गर्ने तथा आन्तरिक पर्यटक प्रवद्र्धनमा मिलेर काम गर्ने सहमती पत्रमा उल्लेख गरिएको छ ।
सहमती पत्रमा हस्ताक्षर लगत्तै गण्डकी गाउँपालिकाका अध्यक्ष होमबहादुर रानाले बिकासमा राजनीति गर्नुहुदैन भन्ने सिकाई शहिद लखन गाउँपालिकाबाट सिक्नुपर्ने बताए ।
सहमती पत्रमा दुबै पालिका बिच कृषिजन्य उत्पादन तथा बजार व्यवस्थापनमा संयुक्त पहल गर्ने, बिपतमा एक अर्कालाई सहयोग गर्ने लगायतका सहमति भएको छ ।
सहमति पत्रमा गण्डकी गाउँपालिका अध्यक्ष होमबहादुर रानामगर, उपाध्यक्ष ललिता अधिकारी र सहिद लखन गाउँपालिकाका अध्यक्ष रमेश थापमगर, उपाध्यक्ष इन्दिरा तिवारी सहित दुवै पालिकाका प्रमुख प्रशासकिय अधिकृतले हस्ताक्षर गरेका छन् ।