गोरखा । नेकपा एकिकृत समाजबादी पार्टी नेपालका अध्यक्ष माधबकुमार नेपालले अब एमालेको भविस्य नभएको बताए । गोरखा सदरमुकाममा आज आयोजित पार्टीका जिल्ला स्तरीय कार्यकर्ता भेला तथा प्रशिक्षण कार्यक्रममा बोल्दै अध्यक्ष नेपालले एमालेमा जनता प्रतिको निष्ठा र सर्मपणमा समेत ग्रहण लाग्दै गएको भन्दै अब एमालेको भविष्य नरहेको बताएका हुन् ।
अध्यक्ष नेपालले एकिकृत समाजबादी पार्टी नविनतम संस्कार भएको पार्टीको रुपमा हुर्काउनु पर्ने अहिलेको आबश्यकता रहेको भन्दै असल कम्युनिष्ट पार्टी बनाउने तर्फ सबै कार्यकतालाई लाग्न आग्रह समेत गरे । ‘हामीले सेवाको भावनाले ओतप्रोत भएर गरिब र दिनदुःखी जनताहरु, बिपन्न र बेसाहारा जनताहरु, दलित र अत्याचारमा परेका जनताहरु र जुनसुकै बर्ग समुदाय भएपनि देशभक्त नेपाली जनताहरुको हितको कल्याण गर्ने पार्टी निर्माण गर्नुपर्छ, उनले भने ‘यो पवित्र भावले लाग्दाखेरी यो पार्टीको भविस्य रहन्छ ।’
पूर्वप्रधानमन्त्री समेत रहनु भएका अध्यक्ष नेपालले केपी ओलीको संगत दरबारियाहरुसंग भएकाले उसको नेतृत्वमा रहेको पार्टीमा एमालेमा दक्षिणपन्थी भड्काउ देखिएको समेत दावी गरे । ‘ओलीको संगत दरबारियाहरुसंग छ, बिदेशीहरुसंग छ, उनले भने, त्यसैले एमालेमा पार्टीमा दक्षिणपन्थी भड्काउ देखियो, क्रान्तिकारी धार भुत्ते भएर गयो, क्रान्तिकारी बिचार हराएर गयो ।’
अध्यक्ष नेपालले ओलीको गलत बिचार, गलत दृष्टिकोण तथा पार्टी सञ्चालनको बिधी र पद्धती पनि गलत भएकाले आफुहरुले बिद्रोहको झण्डा उठाउनु परेको बताए ।