गोरखा । गोरखाको शहिद लखन गाउँपालिकाको २ वटा वडामा कार्यरत महिला स्वयमंसेविकाहरुलाई काममा सहजता ल्याउन मोबाईल बितरण गरिएको छ । काममा सहजता ल्याउने उद्वेश्यका साथ शहिद लखन गाउँपालिका वडा नम्बर ७ र ८ मा कार्यरत महिला स्वास्थ्य स्वयमसेविकालाई मोवाइल बिरतण गरिएको हो ।
वडा कार्यालयले चालु आर्थिक बर्षको कार्यक्रम अन्तरगत दुवै वडामा रहेका ९ जना महिला स्वास्य स्वयमसेविकाहरुलाई मोवाइल बितरण गरेको वडा नम्बर ७ का वडाध्यक्ष शरण श्रेष्ठले जानकारी दिए ।
‘कार्यक्रम अन्तरगत वडा नम्बर ७ मा ४ जना महिला स्वास्थ्य स्वयसेविका र वडा नम्बर ८ मा ५ जना महिला स्वास्थ्य स्वयमसेविकालाई मोवाइल बितरण गरेका छ ।
वडा नम्बर ७ को कुल १ लाख र वडा नम्बर ८ को रु १ लाख २० हजार रुपैया अन्तरगत सबैलाई १–१ थान मोवाइल बितरण गरेको वडा नम्बर ८ का वडाध्यक्ष काशीनाथ अंगाईले जानकारी दिए । वढाध्यक्ष अंगाईका अनुसार वडा कार्यालयले गर्भवती र सुत्केरी महिलाहरु भेट्न र उनिहरुको स्वास्थ्य अबस्थाको जानकारी लिएर माथिल्लो निकायमा सन्देश दिनका लागि मोबाईल फोन प्रयोग गर्ने गरी बितरण गरीएको हो ।
मोबाईल पाए लगत्तै स्वास्थ्य स्वयमसेविकाहरुलाई काममा सहज र हौषला मिल्ने दुवै वडा कार्यालयले जनाएको छ । गाउँपालिकाले दुवै वडामा स्वयमसेविका र सुत्केरी महिलालाई प्रोत्साहन भत्ता, ल्याब सेवा, भिडियो एक्सरे सेवा, एम्बुलेन्स सेवा, जेष्ठ नागरिक, गर्भवती तथा सुत्केरी महिला र अपाङगता भएका क र ख बर्गमा परेका व्यक्तिहरुलाई गोरखा अस्पतालसम्म जानको लागी निःशुल्क एम्बुलेस सेवा, लगायतका सेवा उपलब्ध गराउदै आएको छ ।
