गोरखा । गोरखा सरदमुकाममा युवा युवतीहरुको लागि लक्षित गरेर पुस्ता हस्तान्तरण प्रशिक्षण कार्यक्रम सम्पन्न गरिएको । जेष्ठ नागरिक जिल्ला संघ गोरखाको आयोजना तथा गोरखा नगरपालिकाकाको समन्वयमा आज नगरपालिका स्तरीय पुस्ता हस्तान्तरण प्रशिक्षण कार्यक्रम सम्पन्न भएको हो ।
नगरपालिकाको सबै वडामा बसोबास गर्ने युवा युवतीहरुलाई लक्षित गरी आयोजना गरिएको कार्यक्रम अन्तरर्गत पहिलो चरणमा गोरखा नगरपालिका ५, ६, ७, ८ र ९ को युवा युवतीहरुलाई सदरमुकामको जिल्ला समन्वय समितिको हलमा प्रशिक्षण गराईएको थियो ।
जिल्ला समन्वय समितिका प्रमुख अशोककुमार गुरुङको प्रमुख आतिथ्यतामा भएको कार्यक्रममा वडाबाट आएका युवा युवती (छोरा बुहारी)हरुलाई अधिवत्ता यादव शर्माले प्रशिक्षण गराएका थिए ।
जिल्ला संघ गोरखाका अध्यक्ष मोहनलाल श्रेष्ठको अध्यक्षतमा भएको प्रशिक्षण कार्यक्रममा करिब ५० जना सहभागी भएको आयोजक जेष्ठ नागरिक जिल्ला संघ गोरखाले जनाएको छ ।
कार्यक्रममा संघका जिल्ला उपाध्यक्ष दिलबहादुर बस्नेतले स्वागत मन्तब्य राखेका थिए ।