गोरखा । गोरखाको छापागाउँमा भजिताको हत्या आरोपमा सहोदर काका पक्राउ परेका छन् । गोरखा नगरपालिका १२ को छापगाउँका ४६ बर्षिय काशीराम कुमालको हत्या आरोपमा उनका सहोदर काका ५९ बर्षिय सानो चाउरे भन्ने पदमबहादुर कुमाल पक्राउ परेका हुन् ।
गएको शनिबार अर्थात फागुन २१ गते बिहान ५ः३० बजे मृक्तक काशीरामको शव उनकै घर छेवैमा फेला परेको थियो । शव फेला परे लगत्तै मृत्तक र छिमेकीले प्रहरीलाई खबर गरेको भएता पनि घटना डाकछोपका लागि काका नाता पर्ने पदमबहादुरले परालको टौवाबाट लडेर भतिजाको ज्यान गएको प्रहरीलाई जानकारी गराएका थिए ।
पिडित परिवार समेत घटना डाकछोप गर्न लागे पछि प्रहरीले घटनाका बिषयमा गहन अध्ययन गर्दा फागुन २० गते राती काका भजिता संगै बसेर मादक पदार्थ सेवन गरेको र सोही बेला सामान्य विवादमा काका पदमबहादुरले भजिता काशीरामलाई नजिकै रहेको दाउराको चिर्पटले प्रहार गरी हत्या गरेको खुल्न आएको जिल्ला प्रहरी कार्यालय गोरखाका प्रहरी उपरिक्षक केदार खनालले बताए ।
‘अनुसन्धानका क्रममा दुव जना भएर २० गते राती अवेरसम्म पटक पटक मादक पदार्थ सेवन गरेको खुल्न आएको’ भन्दै ‘सोही आधारमा हामीले काका नाता पर्ने पदमबहादुरलाई नियन्त्रणमा लिएर बयान गराउदा आफुले नै हत्या गरेको स्विकार गरेको’ प्रहरी उपरिक्षक खनालले बताए ।
प्रहरी अनुसन्धानमा काका र भतिजा बिच पुरानो रिसईबी समेत रहेको खुल्न आएको जिल्ला प्रहरी कार्यालय गोरखाले जानकारी दिएको छ । प्रहरीका अनुसार काका भतिजाको घर बाटो वरपर रहेको छ ।
अनुसन्धान लगत्तै प्रहरीले पिडितका आफन्त १९ बर्षिया अप्सरा कुमाल र ३६ बर्षिय सुरेन्द्र कुमालको जाहेरी पछी २२ गते कतब्र्य ज्यान मुद्वा दर्ता गरिएको र फागनु २५ गते गोरखा जिल्ला अदालतबाट ७ दिनको म्याद थप गरी अनुसन्धान जारी राखिएको गोरखा प्रहरीले जनाएको छ ।
जिल्ला प्रहरी कार्यालय गोरखाका अनुसार मृक्तक कुमालको निधारमा गहिरो चोट लागेको छ ।