गोरखा । नेकपा एमाले निकट बुद्धिजीवि परिष्द गोरखाको अध्यक्षमा रमेश अधिकारी चयन भएका छन् । गोरखा सदरमुकामको एमाले पार्टी कार्यालयमा भएको नेपाल बुध्दिजीवी परिषद् गोरखाको ८औं जिल्ला अधिवेशन अधिकारीको अध्यक्षतामा १४ सदस्सीय कार्यसमिति सर्वसम्मत चयन गरेको हो ।
नव गठित समितिको उपाध्यक्षमा कृष्णप्रसाद पोखरेल, सचिवमा कमल प्रसाद लामिछाने, सह सचिवमा रामचन्द्र अर्याल र इन्द्रा बाँनिया, कोषाध्यक्षमा खिलानाथ सिंखडा चयन भएका छन् ।
त्यस्तै गरी, सदस्यहरुमा सुशिल अर्याल, ज्ञानेन्द्र पोखरेल, अशोक रानामगर, अमृत लामिछाने, राजेन्द्र भट्ट, जीवन कट्टेल, रोशन बाँनिया, होमनाथ रिमाल चयन भएको नव गठित समितिका अध्यक्ष अधिकारीले जानकारी दिए ।
नेकपा एमालेका केन्द्रीय सदस्य एवं गोरखा जिल्ला इञ्चार्ज राम शरण बस्नेतको प्रमुख आतिथ्यतामा भएको कार्यक्रममा एमाले गोरखाका अध्यक्ष प्रेम गुरूङ लगायतको सहभागिता रहेको थियो ।
अधिबेशेनको बिधान बमोजिम कार्यसमितिमा ५ जना पछि मनोनित गरिने परिष्दले जनाएको छ ।
