गोरखा । महिला दिवशको अवशरमा गोरखा सदरमुकाममा दौड प्रतियोगिता सम्पन्न भएको छ । रोट्रयाक्ट क्लब अफ बज्र मनासलुको आयोजनामा तेस्रो महिला खुल्ला दौड प्रतियोगिता सम्पन्न भएको हो ।
प्रतियोगितामा निर्धारित दुरी पार गर्दै पबित्रा बयलकोटी प्रर्थम भएकी छिन् । उनले निर्धारित दुरी १२ मिनेट ३३ सेकेन्डमा पार गरेकी थिईन ।
२५ जना महिलाहरुको सहभागिता रहेको दौड प्रतियोगितामा निर्धारित दुरी पार गर्दै नवज्योति माविकी संजिता लामिछाने र समिक्षा बसेल क्रमश.द्वितिय र तृतिय भएकी छिन् । लामिछानेले निर्धारित दुरी १२ मिनेट ५४ सेकेन्डमा पार गरेकी थिईन भने बसेलले १४ मिनेट ११ सेकेन्डमा पार गरेकी थिईन ।
सहभागी मध्ये महालक्ष्मी माविकी निलम कुवरले १४ मिनेट १४ सेकेन्डमा पार गरेर सान्त्वना भएकी छिन् । दौडमा प्रर्थम र द्वितिय हुनेलाई क्रमश. ७ हजार र ५ हजार नगद र प्रमाण पत्र प्रदान गरिएको र तृतिय र सान्त्वना हुनेलाई ३–३ हजार नगद र प्रमाण पत्र प्रदान गरिएको रोट्रयाक्ट क्लब अफ बज्र मनासलुका अध्यक्ष सुरेन्द्र श्रेष्ठले जानकारी दिए ।
दौड गोरखा सदमुकामको हरमटारीबाट सुरु भएर कालिमाटी बजार–शक्तिचोक–पुरानो बसपार्क–ठुलो आँगन–गोरखा अस्पताल हुदै पुनः हरमटारीमा आएर टुगिंएको थियो ।
दौडमा सहभागी सबैलाई कार्यक्रमका प्रमुख अतिथी गोरखा नगरपालिकाकी उप मेयर बिनाकुमारी श्रेष्ठले नगद पुरस्कार र प्रमाण पत्र प्रदान गरेकी थिईन ।
