गोरखा । गोरखाको छेवेटारमा भोली (शनिबार) देखी लिग फुटवल प्रतियोगिता हुने भएको छ । जिल्ला फुटवल संघको आयोजनामा हुने उत्त लिगमा गोरखा र पालुङटार नगरापलिकाका ११ समूहको सहभागीता हुने छ ।
गोरखा नगरपालिका १० को छेवेटारमा रहेको खेल मैदानमा हुने प्रतियोगितामा गोरखा नगरपालिकाबाट ५ समूह र पालुङटार नगरपालिकाको ६ समूह गरी ११ समूहले लिगमा भाग लिने संघका जिल्ला अध्यक्ष दिपेन्द्र श्रेष्ठले जानकारी दिए ।
संघमा सहभागी हुन संघमा आवद्व भएको फुटवल टिम हुनुपर्ने प्रावधान भएका कारण यो लिगमा ११ समूहको मात्र सहभागीत हुने संघले जनाएको छ ।
दुई समूहमा विभाजन गरेर खेलाईने लिगमा ४ समूह सेमिफाइनलमा पुग्ने छन् । अखिल नेपाल फुटवल संघको बार्षिक कार्यक्रम अनुसार हुन लागेको खेलको पहिलो खेल चेपे आर्दश क्लब र द ओसन क्लब बिच हुने आयोजक जिल्ला फुटवल संघले जानकारी दिएको छ ।
लिगमा बिजेता समूहले १ लाख नगद पुरस्कार पाउने छन् भने उप बिजेताले ५० हजार पाउने छन् । खेल अवधीभर विभिन्न खेलाडीहरुलाई विभिन्न ५ बिधामा पुस्कृत गरिने पनि संघले जनाएको छ ।
लिगको समापन चैत्र ५ गते हुने जिल्ला फुटवल संघ गोरखाले जनाएको छ ।