गोरखा । गोरखा सदरमुकाममा आजदेखी मेयर भेट्रान्स कप २०७८ सुरु हुने भएको छ । द ओसन क्लबको आयोजनामा गोरखा नगरपालिका ९ को दलभञ्ज्याङ्गमा रहेको आर्टिफिसीयल टर्फ मैदानमा हुने भएको हो ।
क्लबले बर्षेनी महा शिवरात्रीको अवशरमा बिगत ६ बर्षदेखी फुटबल प्रतियोगिता गर्दै आएको छ । यस पटक छौटौं संस्करण अन्रतर्गत मेयर भेट्रान्स कपको आयोजना गरिएको क्लबका अध्यक्ष अमित खत्रीले जानकारी दिए ।
देशका १२ जिल्लाका १६ टिमको सहभागीता रहने उत्त खेलमा चितवन, तनहुँ, कास्की, काठमाण्डौं, बारा, लमजुङ, स्याङजा, नुवाकोट, मकवानपुर, झापा, नवलपुर र गोरखाको टिमहरुको सहभागीता रहने क्लबजे जनाएको छ ।
सहभागी जिल्ला मध्ये कास्की, काठमाण्डौं, स्याङजा र गोरखाको भने २–२ समूहको सहभागीता रहने छ । खेल फागुन १७ गते अर्थात आज (मंगलबार) देखी २० गतेसम्म सञ्चालनमा आउने छ ।
४० बर्षभन्दा बढी उमेर समूहका खेलाडीहरुको सहभागीता रहने उत्त खेलमा बिजेताले १ लाख नगद र ट्रफी सहित प्रमाण पत्र पाउने छ भने उप बिजेता समूहले ५० हजार नगद र ट्रफी सहित प्रमाण पत्र पाउने छन् ।
६–६ खेलाडीहरुले खेल्ने उत्त भेट्रान्स कपमा सर्बोउत्कृष्ठ खेलाडीलाई बिशेष पुरस्कारको समेत ब्यवस्था गरिएको आयोजक ओसन क्लबले जनाएको छ ।
आज हुने पहिलो खेलमा उदघाटन् खेल चितवनको युनिटी भेट्रान्स क्लब र तनहुँको अल स्छार क्लब बिच हुने छ ।