अभिभावकाे जिम्मा लगाउदै मानव सेवा आश्रम गाेरखा
गोरखा । गोरखा बजारबाट आइतबार प्रहरी र मानव सेवा आश्रमले आमाबुवा नभएको र सडक पेटी तथा खोला खोल्सीमा बस्दै आएको भन्ने जानकारी प्राप्त गरे संगै २ जना मस्लिम समुदायकी टुहुरा बालिकाहरुको उद्वार गरर्यो । तर ति बालिकाहरुले मिठो खानकै लागि झुठ बोलेको जानकारी तब प्राप्त भयो ति कुरा सामाजिक सञ्जालमा देखेर उनका आमाबुवा नै मानव सेवा आश्रममा बच्चा लिन आए ।
मंगलबार छाेरी लिन आश्रम आइपुगेकी बालिकाकाे आमा
आइतबार गोरखा बजार क्षेत्रबाट गोरखा प्रहरीको सहयोगमा तनहुँ धापटारकी ७ बर्षिया सपना र ९ बर्षिया रबनालाई मानव सेवा आश्रमले आश्रय दिएको थियो । तर २ दिन नबित्दै मंगलबार उनका आमा र बुवा छोरी लिन आश्रम आएको आश्रमकी मुना लामाले जानकारी दिईन । ‘उनीहरुले बच्चा भएको र बच्चाले पनि आमा बुवा भएको जानकारी पाए संगै प्रहरीको रोहबरमा बच्चाहरुलाई परिवार मिलन गराईएको’ लामाले बताईन ।
आइतबार आश्रममा आश्रय दिएको तस्बिर
बालिकाको आमा बुवाको मृत्यु भई सकेकोले उनीहरु बेवारिसे अवस्थामा हिडढुल गर्ने गरेको सूचनाको आधारमा आश्रमले आइतबार दुवै बालिकालाई आश्रममा आश्रय दिएको थियो ।
दुवै बालिकालाई आजै गोरखाको आहालेमा रहेको मदरसामा निःशुल्क पठन पाठन र आवास तथा खानपिनको व्यवस्थापन हुने गरि संरक्षणको जिम्मा लिएको पनि स्माइल दिन मियाँले जानकारी दिए ।
आश्रमले सामाजिक सञ्जाल मार्फत जानकारी पाएर अभिभावक लिन आएकोमा खुशी हुदै सबै प्रति आश्रमले धन्यबाद दिएको छ ।