गोरखा । गोरखामा सोमबार विभिन्न स्थानिय तहमा गरिएको एन्टिजेन परिक्षणका क्रममा थप २७ जनामा संक्रमण पुष्टी भएको छ । स्वास्थ्य कार्यालय गोरखाका अनुसार ४४ जनामा एन्टिजेन परिक्षण गर्दा २७ जनामा पुष्टी भएको हो ।
आज भएको संक्रमण दर दैनिक पोजेटिभ हुने दरमा बृद्वि भएर ६१.३६ प्रतिशतमा पुगेको छ । आइतबार मात्रै ४८.९७ प्रतिशत रहेको संक्रमण दर सोमबार ह्वात्तै बढेको हो ।
आज संक्रमण देखिएका मध्ये गोरखा नगरपालिकामा १ जना पुरुष, गोरखा अस्पतालमा १ जना महिला र ३ जना पुरुष गरी ४ जना र पालुङटार नगरपालिकामा २ जना पुरुषमा संक्रमण देखिएको छ ।
कार्यालयले आज सार्वजनिक गरेको कोरोना विवरण अनुसार आरुघाटमा सबै भन्दा धेरै संक्रमित फेला परेको छ । जहाँ ११ जना महिला र ७ जना पुरुषमा एन्टिजेन परिक्षण गर्दा १० जना महिला र ६ जना पुरुष गरी १६ जनामा संक्रमण देखिएको हो ।
त्यस्तै गरी, गण्डकी गाउँपालिकामा २–२ जना महिला र पुरुषमा पनि संक्रमण देखिएको कार्यालयले जनाएको छ । कार्यालयले आज सबै स्थानमा गरी २६ जना महिला र १८ जना पुरुष गरी ४४ जनामा एन्टिजेन परिक्षण गरेकोमा १३ जना महिला र १४ जना पुरुष गरी २७ जनामा संक्रमण देखिएको हो ।
गोरखामा तेस्रो लहरको कोरुोना संक्रमण पछि सोमबारसम्म ४२२ जनाले कोरोना जित्न सफल भएका छन् भने २ जनाको ज्यान गएको छ । सोमबारसम्म जिल्लाको चुमनुब्री र धार्चे गाउँपालिका बाहेक ९ स्थानिय तहमा १७१ जना सक्रिय संक्रमित रहेको पनि कार्यालयले जनाएको छ ।
