गोरखा । गोरखा जिल्ला सहकारी संघको अध्यक्षमा पुनः बावुराम कोइराला सर्व सम्मत चयन भएका छन् । गोरखा बजारमा भएको संघको २८औं बार्षिक साधारण सभा तथा ९औं जिल्ला अधिवेशनबाट अध्यक्षमा कोरोना चयन भएका हुन् ।
अधिवेशनले बरिष्ठ उपाध्यक्षमा दुर्गाप्रसाद देवकोटा, उपाध्यक्षमा रामबावु श्रेष्ठ र मिना अधिकारी र महासचिवमा सरोज देवकोटा चयन भएका छन् । त्यस्तै, गरी सचिवमा मेनबहादुर अधिकारी, सह सचिवमा छन्दप्रसाद खनाल, कोषाध्यक्षमा हरिराम अधिकारी र सह कोषाध्यक्षमा चेतकुमारी श्रेष्ठ चयन भएको संघले जनाएको छ ।
सोही अधिवेशनले समस्यहरुमा महेन्द्रप्रसाद खनाल, टंक सारु, कृण्ण श्रेष्ठ, कमला विक, रजनी मियाँ, मित्राकुमारी परियार, अमृत काराखेती र मित्रप्रसाद देवकोटा चयन गरेको छ ।
लेखा सुपेरिवेक्षण समितिमा भने सुजन कुवँरको संयोजकत्वमा परशुराम श्रेष्ठ र डिल्लीराम पनेरु सदस्य रहेका छन् ।
कार्य समितिका खनाललाई भने अधिवेशनले केन्द्रिय प्रनितिधीको रुपमा चयन गरेको संघका अध्यक्ष कोइरालाले जानकारी दिए ।
