गोरखा । गोरखा सदरमुकामको लक्ष्मी बजारमा भोलीदेखी चौथो फुटबल मेला हुदै छ । गोरखा नगरपालिका ९ लक्ष्मीबजार स्थित दलभन्ज्याङमा रहेको कृत्रिम घाँसे मैदानमा चौथो फुटबल मेला हुने भएको हो ।
द ओसन क्लबको आयोजनामा पुष १७ गते अर्थात सनिबारबाट मेला सुरु हुन लागेको क्बलका अध्यक्ष अमित खत्रीले जानकारी दिए । मेला अन्तरगत १३ बर्ष मुनिका स्कुले खेलाडीको सहभागिता रहने गरी ७औं ओसन कप र ३५ बर्ष माथिका गैह्रब्यबसायिक खेलाडीबिच भेट्रान्स कप हुने आयोजक क्लबले जानकारी दिएको छ ।
प्रतियोगिता अन्तरर्गतको पहिलो चरणमा गोरखा नगरपालिकाभित्रका ३१ विद्यालय मध्ये १६ बिद्यालयको सहभागी हुने भएको क्बले जनाएको छ । प्रतियोगितामा विद्यार्थीहरुको भएकाले हरेक हप्ताको सनिबारमात्र सञ्चालन गरिने आयोजक क्लबका अध्यक्ष खत्रीले बताए ।
सहभागी बिद्यालयलाई गोरखा नगरपालिकाले यातायात र खाजा खर्च ब्यहोर्ने सहमती भएको पनि क्लबले जानकारी दिएको छ । प्रतियोगितामा सहभागी हुने विद्यालयको बिहिबार एक कार्यक्रम बिच खेल तालिका सार्वजनिक गरिएको थियो ।
लिग कम नकआउटको आधारमा खेलाइने खेल ४ समूहमा विभाजन गरेर खेलाउन लागिएको छ । पहिलो चरणमा विजेता र उपविजेता बन्ने समुहलाई ट्रफि, मेडल र प्रमाणपत्र पुरस्कार प्रदान गरिने पनि आयोजकले जनाएको छ ।
बिजेता र उप बिजेता समूहले यसै बर्षको चैत महिनामा हुने प्रतियोगिताको दोस्रो चरणमा पनि सहभागी हुनेछन् । सो प्रतियोगितामा आयोजक क्लब सहित काठमाण्डौं, तनहुँ, स्याङजा, कास्की, चितवन गोरखाको पालुङटार नगरपालिकाका गरी १२ समूहको सहभागिता रहने छन् ।
मेला सम्पन्न गर्नका लागि १० लाख ५० हजार रुपैयाँ लाग्ने आयोजकले अनुमान गरेको छ । १३ बर्ष मुनिका खेलाडीको सहभागिता रहने ७औं ओसन कप सनिबारबाट बिहान ९ः३० बजेबाट सुरु हुनेछ ।