गोरखा । गोरखा बजारमा रहेको शक्ति माविमा स्व.हजुरबुवाको सम्झनामा नातिनीले छात्रवृत्ति कोष स्थापना गरिदिएको छ । गोरखा नगरपालिका ६ पाटेचौरमा रहेको शत्ति माविमा हाल चितवन निवासी डा.सञ्जिवनी श्रेष्ठले १ लाख ५ हजार ५५५ रुपैयाँको ‘स्व. प्रेमकुमार श्रेष्ठ स्मृति छात्रबृत्ति कोष’ स्थापना गरिदिएको हो ।
डा.श्रेष्ठको तर्फबाट उनका माता पिता लक्ष्मीकुमारी श्रेष्ठ र सित्तलकाजी श्रेष्ठले १ लाख ५ हजार ५५५ रुपैयाँको चेक विद्यालय परिवारलाई हस्तान्तरण गरेको लक्ष्मीकुमारी श्रेष्ठले जानकारी दिईन ।
बिद्यालय परिषरमा भएको कार्यक्रममा श्रेष्ठ द्ववले प्रधानाध्यापक बद्री अर्याल र बिद्यालय ब्यवस्थापन समितिका अध्यक्ष रामबावु जोशीलाई चेक हस्तान्तरण गरेको बिद्यालय प्रशासनले जनाएको छ ।
सो छात्रवृत्ति कोषबाट प्राप्त व्याजबाट कक्षा ८ मा अध्ययनरत १–१ जना जेहेन्दार छात्र र छात्रालाई छात्रवृत्ति प्रदान गरिने छ ।