गोरखा । गोरखा उद्योग बाणिज्य संघको आइतबार सम्पन्न निर्वाचनको मत परिणाम सार्वजनिक भएको छ । प्राप्त मत परिणाम अनुसार निर्वाचन भएको महासचिव पदमा प्रकाशचन्द्र श्रेष्ठले प्रतिद्ववन्दी रामहरी खत्रीलाई ८० मतले पछि पारेर महासचिव पद पक्का गरेका छन् ।
निर्वाचन अधिकृत स्थानेश्वर दुवाडीका अनुसार श्रेष्ठले ३५५ र खत्रीले २७५ मत प्राप्त गरेका थिए । त्यस्तै गरी सचिव पदमा भएको निर्वाचनमा चन्दनबावु खत्रीले काजीराम श्रेष्ठलाई १०८ मतले पछि पार्दै सचिवमा निर्वाचित भएका छन् । खत्रीले ३६५ र श्रेष्ठले २५७ मत पाएका थिए ।
सदस्यहरुमा भने दिपककुमार श्रेष्ठ (अनु)ले निकै लोकप्रिय मत प्राप्त गरेका छन् । श्रेष्ठले कार्य समिति सदस्यका लागि भएको निर्वाचनमा ४३३ मत पाएका थिए । अन्य निर्वाचित सदस्यहरुमा मनकाजी श्रेष्ठले ४२५ मत, सुरेन्द्र कुवँरले ४१३ मत, शरण श्रेष्ठले ४१० मत पाएका छन् ।
सदस्य पदमा नै बसन्त बस्नेतले ४०६ मत, अयोध्या जोशीले ३९९ र शिवध्वज खत्रीले ३८२ मत पाएर कार्य समिति सदस्यमा निर्वाचित भएको निर्वाचन मण्डलले जनाएको छ ।
कार्य समिति सदस्यमा नै उम्मेदवारी दिएका कर्ण गुरुङले २८१ मत, प्रेमध्वज थापाले २४१ मत, किरण ढकालले १९६ र शंकर कुबँरले १६८ मत प्राप्त गरेका छन् । गुरुङ, थापा, ढकाल र कुवँरले भने कार्य समिति सदस्यमा पराजित भएका थिए ।
आइतबार भएकाे निर्वाचनमा ६७० जनाले मतदान गरेका थिए ।
कसको कती मत ?
महासचिव
प्रकाशचन्द्र श्रेष्ठ ३५५
रामहरी खत्री २७५
सचिव
चन्दनबावु खत्री ३६५
काजीराम श्रेष्ठ २५७
सदस्यहरुमा
दिपककुमार श्रेष्ठ (अनु) ४३३
मनकाजी श्रेष्ठ ४२५
सुरेन्द्र कुवर ४१३
शरण श्रेष्ठ ४१०
बसन्त बस्नेत ४०६
अयोध्या जोशी ३९९
शिवध्वज खत्री ३८२
कर्ण गुरुङ २८१
प्रेमध्वज थापा २४१
किरण ढकाल १९६
शंकर कुवँर १६८
